Удмурт батыръёс — «Дауръёслы улэпесь удмуртъёс» книгаын

Удмурт Дунне
By Удмурт Дунне 24 января, 2017 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Сомында яркыт удмурт батыръёсты шедьтӥз Николай Спиридонович.

Николай Кузнецовлэсь «Дауръёслы улэпесь удмуртъёс» нимын потоно книгазэ ӵошатыны луоз энциклопедиен, удмурт калыклэн «Вунонтэм полкеныз».

Сомында яркыт удмурт батыръёсты шедьтӥз Николай Спиридонович. Выль книгае шедёзы, кылсярысь, Быдӟым ожысь немец кылъя удмурт переводчик, Глазов ёросын вордӥськем Владимир Баженов. Та востэм удмурт пиосмурт, кышкасьтэм сержант вуоно маршалэн К. Рокоссовскиен артэ вал. Владимир Филиппович войнаын 1941-тӥ арысен. Ожмаськиз Сталинград понна, 1943-тӥ арын сӧсыртэмын вал. Тушмонэз кышкатэк жугемез понна Горд Кизили орденэн данъямын. Удмурт сержант ялан передовойын вал бере, 1942-тӥ-1943-тӥ аръёсы немец солдатъёслы но  генералъёслы 60 пол вазиськылӥз К. Рокоссовскийлэн нимыныз.

Мукетыз выль нимтул —  Григорий Анфионов. Алнаш ёросысь Туймыйыл гуртын вордскем  ожгарчи.

— Солэн фамилиез туж тодам кылиз, — шуэ Николай Спиридонович. — Григорий Анфионович Быдӟым ожын вал нырысетӥ нуналъёсысеныз ик, удмурт батыръёсмы пӧлын нырысьёсыз радын пусъемын Горд Знамя орденэн. Со санинструктор вылэм. 1941-тӥ арын гужем ож лудысь 42 сӧсырмем солдатъёсты ас вылаз поттэм. Наградной листаз гожтэмын: 24-тӥ сентябре тушмонъёс сӧсыртӥллям асьме снайперез. Немецъёс дорозь 170 метр гинэ вылэм, тушмон дугдылытэк ыбылэм, снайперлы юрттэт сётыны эшъёсыз медаз быгатэ шуыса. Но Григорий Анфионов пулемёт тыл улысь но поттыны, утьыны быгатӥз асьме солдатэз. 29-тӥ сентябре тушмон снайпер сӧсыртэм мукетсэ красноармеецмес, санинструктор сое ас вылаз ик поттӥз. Жаляса верано, 1943-тӥ арын младшой лейтенант  Г. Анфионов Ленинград улосын бырыны шедиз. Но табере та адямилэн подвигез сярысь тросэз тодозы. Мон тау карисько Алнаш ёросысь Туймыйыл гуртысь  шаертодонъя музейын ужасьлы Раиса Даниловалы. Гуртоослы вазиськеме бере соос шедьтӥзы но ыстӥзы мыным Григорий Анфионовичлэсь туспуктэмзэ. Та книгае со фотоен сётэмын луоз.

Нош Можга ёросысь  Бадӟым Сибы гуртын 1919-тӥ арын вордӥськем  Михаил Дмитриевлэн туспуктэмез нокызьы но уг шедьы. Удмурт ожгарчиос пӧлын ӵапак Михаил Дмитриевич нырысьёсыз радын данъямын вал «За отвагу» медален.

Книгалэн оглюкетэз сӥземын  агай-вынъёслы. Кылсярысь, Ува ёросысь Кечгуртысь Злобинъёслэн семьяысьтызы Быдӟым оже нырысь кошкиз кыкетӥ пизы — Алексей Фёдорович, собере тушмонэз жугыны келязы бадӟымзэ но — Пётр Фёдоровичез. Пётр Злобин  ожмаськиз пӧртэм фронтъёсын. Гвардиысь старшой лейтенант, Горд Кизили орденэн пусъем удмурт пиосмурт кӧня ке пол  ассэ кышкасьтэм командирен возьматӥз.  Кылсярысь,  солэн батареяез, Донбассэз тушмонлэсь мозмытыку,  6 немец самолётэз пуштытӥз.

Галина Семёнова

Туспуктэм  Удмурт кун университетлэн библиотекаысьтыз

Удмурт Дунне
By Удмурт Дунне 24 января, 2017 14:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<