«Справедливая Россия» партилэн Удмуртиысь ёзэзлэн выль кивалтӥсез — депутат Фарид Юнусов

Удмурт Дунне
By Удмурт Дунне 16 января, 2017 08:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Фарид Юнусов верамъя, шаерамы ӧвӧл тазалыкез утёнъя закон. Кивалтӥсь медэ законопроект кылдытон бордын ужаны.

«Справедливая Россия» партилэн Удмуртиысь ёзэзлы выль кивалтӥсь быръемын. Со — Кун Кенешысь депутат Фарид Юнусов.

Кема дыр ӵоже партилэсь Удмурт ёззэ валтӥз удмурт воргорон Виктор Шудегов. Но сое аслыз советнике басьтӥз партилэн тӧроез Сергей Миронов. Фарид Юнусов  партилэсь данзэ Удмуртиын юнматыны медэ. Таин валче калыклы улон-вылонын юрттэт сётон бордын ужаны чаклало. Пӧртэм ужрадъёс ортчытъям, калыкен пумиськылэм сяна, адямиослы пӧртэм юанъёсъя визь-кенешен юрттӥсь буклетъёс, листовкаос поттылозы, муниципал кылдытэтъёслэн кивалтӥсьёсынызы дэмен созэ я тазэ ужпумез вырӟытыны вырозы.

Туннэ адямиос ӵемысь ӝожтӥсько тазалыкез эмъян, ЖКХ, инвалидность басьтон но реабилитация ортчон вылэ. Соин ик азьланяз но та ужпумъёс бордын «справедливоросъёс» ужалозы. Фарид Юнусов верамъя, шаерамы ӧвӧл тазалыкез утёнъя закон. Кивалтӥсь медэ законопроект кылдытон бордын ужаны. Кун служащийёслэсь пенсие потон арлыдзэс йылтӥзы, отӥяз мукет ужасьёслэсь но будэтозы. Нош арлыдоослы юрттэт сётӥсь специалистъёс уг тырмо. Соин ик партилэн Удмурт ёзэз геронтологической службаез азинтонъя ужаны малпа. Кун больницаосын ог 90 процентэз дунэн сётӥськись услугаос, законэз тӥяса, лэсьтӥсько, шуэ Фарид Юнусов. Та борды но басьтӥськомы, калык понна ужаломы, пе.

Елена Сараматова

Туспуктэм: udmgossovet.ru

Удмурт Дунне
By Удмурт Дунне 16 января, 2017 08:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<