Школа вите нылпиосты

Удмурт Дунне
By Удмурт Дунне 31 января, 2017 14:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Выль дышетон учреждение усьтӥськоз 8-тӥ феврале.

Ижысь «Столичный» микрорайонысь выль школае дышетскисьёсты люканы кутскизы.

Туала куронъёсъя пуктэм юрт чакламын 825 пиналлы. Та дырлы 214 куриськон вуэмын ини. Ваньзы соос уло «Столичныйын».

— Школа элькунмылэн ваньбуреныз лыдъяськоз, — валэктӥз дышетонъя но наукая министрлэн воштӥсез Игорь Белозёров. — Соин отын, городысь сяна, гуртъёсысь но нылпиос тодон-валан люканы быгатозы. Та юртэз бурд улаз басьтоз Дэри ёросысь Италмас каргуртысь школа-интернат. Ужалоз 1 сменаен.

Выль дышетон учреждение усьтӥськоз 8-тӥ феврале. Анай-атайёслы куриськонъёсты ваёно Италмас каргуртэ 1-тӥысен 8-тӥ февралёзь яке Интернет пыр ыстоно школалэн сайтаз. Куриськон вќзын луыны кулэ анайлэн яке атайлэн паспортэз, нылпилэн вордћськемез сярысь документ. Мумы-бубыосын кенешон ортчоз Ижысь «Русский дом» культура юртын 27-тӥ январе 17 час 30 минутэ.

— Инты городъёслы но, гуртоослы но тырмоз, — оскытӥз Италмас каргуртысь школа-интернатлэн кивалтӥсез Ирина Морозова. — Али ёросъёс шыпытгес уло, дорамы куриськисьёс ӧвӧл на. Кылсярысь, Италмасысь школа-интернатамы та вакытлы тодон-валан люкало 19 ёросъёсысь пиналъёс. Соослы чаклам огъяулоннимы вӧл-вӧл — 100 нылпилы интыез вань.

Школае кутон понна нылпиослы экзамен сётоно уз луы. Радъялозы тестъёс гинэ. Соос возьматозы, кыӵе удысъя пиналлэн быгатонлыкъёсыз вань. Угось школа ужалоз пӧртэм ӧръёсъя: робот бичан, эмъян, кунсьӧр кылъёсты дышетон но мукет. Та удысъёсъя эскеронъёс ортчытонлы дась ини школаысь 18 лаборатория.

Пиналъёсын ӵош школа люка дышетӥсьёсты но. Кӧня соос луозы — тодмо ӧвӧл на. Но гужем соос ваньзы тодон-валанъёссэс муромытонъя курсъёсы ветлозы. Школаын дышетыны кутскозы 1-тӥ сентябрьысен.

Выль юртэз ӝутонлы Россия висъяз 620 миллион манет, 150-зэ ватсаз элькун. Дас ар џоже шаерамы усьтӥськозы на эшшо 30 пала выль школаос — соку вань пиналъёс одћг сменаен дышетскыны быгатозы.

Ольга Корепанова

Удмурт Дунне
By Удмурт Дунне 31 января, 2017 14:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<