Шаерысьтымы ӝог юрттэт сётӥсьёслы 800-900 жингыръясьёс вал

Related Articles

• Крезьгурлэн тулкымез вылын 0 18.Янв
• Ижын вамышъялоз «Вунонтэм полк» 0 03.Май
• Улонэз тыро. Марина Андреева малпанъёссэ быдэстэ 0 27.Окт

Выль ар праздник нуналъёсы шаерысьтымы ӝог юрттэт сётӥсьёслы уй-нунал ӵоже 800-900 жингыръясьёс вал.

Таин валче больницаосын но ӝог юрттэт сётонъя станциосын ватсаса бригадаос ужазы. Эмъясьёслы ӵемгес вазиськылӥзы черлам вож нуныослэн анай-атайёссы, сюлэм но сэр висёнъёсын курадӟисьёс, мултэс сиыса-юыса шугомемъёс.

Удмуртиысь тазалыкез утёнъя министрлэн воштӥсез Людмила Гузнищева верамъя, берло аръёсы кулэсмиз тол праздникъёс дыръя кынмем но вӧсь луэм адямиослэн лыдзы. Туэ 8 нунал ӵоже 6 мурт гинэ больницае вуттэмын вал, курытсэ мултэс юэменыз. Соос пӧлысь огез, 16 аресъем пи, метил спиртэн шугомем. Ортчем аръёсы выль ар праздникъёсы 10-20 адями, пуштытъян арбериосын сӧсырмыса, эмъясьёс доры шеде ке вал, туэ 2 муртлы эмъюрттэт сётэмын. Кынмыны шедемъёс 4 кузя, таосыз пӧлын нылпиос ӧвӧл.

УД