Шаерчиос понна каникул ӧвӧл

Удмурт Дунне
By Удмурт Дунне Январь 25, 2017 16:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Учительская газетаен» ортчытъяськись Тол школа радъяськиз Ижын. Отчы 18  улосысь, Карелиысен кутскыса Новосибирскозь, 25 делегация пыриськиз.  Тол школае вуэмъёсты улыны интыязы «Волна» лагере. Нош занятиосы соосты нуналлы быдэ нуллӥзы Ижысь 97 номеро школае.

Гужем  экспедициез но Тол школаез 15 ар талэсь азьло кылдытӥз но мыло-кыдо нуэ Москваысь 1259 номеро школаысь  химиен дышетӥсь, «Учитель года — 1997» ӵошатсконын вормисе потэм Владимир Головнер. Солэсь кичӧлтонзэ умоен лыдъяз «Учительская газета». Озьы Россилэн пӧртэм улосъёсысьтыз 7-тӥ — 11-тӥ классъёсын дышетскись нылпиослы но Тол школаос но Гужем экспедициос ортчо. Гужем экспедициос пӧртэм городъёсын радъясько, нош толалтэ одӥг полаз Москвае, вуоно араз мукет городэ люкаськыло.

Тол но Гужем школаосы арлы быдэ мыло-кыдо пырисько Ижысь 97 номеро школаын дышетскись нылъёс но пиос (кивалтӥсьсы —  историен дышетӥсь Валерия Балтачева) но Пичи Пурга ёросысь пӧртэм школаосысь пиналъёс (кивалтӥсьсы — Уром шор ёзо школаысь физикаен дышетӥсь Геннадий Петров).

Тол школае вуэмъёсты улыны интыязы «Волна» лагере. Нош занятиосы соосты  нуналлы быдэ нуллӥзы Ижысь 97 номеро школае. Егит журналистъёсты гожъяськыны дышетӥз «Учительская газетаысь» журналист Оксана Родионова. Лагерьын улэмзы пумысен пиналъёс нуналлы быдэ бордгазет поттылӥзы. Тодон-валан сётэм но люкам сяна, куноосты городмылэн но шаермылэн пӧртэм интыосаз экскурсиосы нуллӥзы. Соос ӝутскем мылкыдын вуылӥзы Шарканысь Тол бабай доры. Нош Брангуртысь песянайёс асьсэос ветлӥзы нылпиос доры. Одӥг ӝытэ «Молодой человек» театре «Волшебство» спектакль учкыны ветлӥзы. Залын пукисьёс паймыса быро вал: соослы ваньзылы рольёс  но костюмъёс сётъязы, дасяськыны час пала дыр висъязы. Дышетӥсьёс но нылпиос сцена вылэ усьтыр-табыр ке но потоно луизы, спектакльзы туж тунсыко но тумошо пӧрмиз.

Сьӧрлось вуэм куноослы удмурт кылын «Ӟечбур, удмурт кыл!» мастер-класс ортчытӥз 97-тӥ школаысь удмурт но фин кылъёслы дышетӥсь Вероника Иванова.

Любовь Тихонова

Туспуктэм: uo.izh.ru

Удмурт Дунне
By Удмурт Дунне Январь 25, 2017 16:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<