Шӧкыч: Чоръялом ӵошен!

Удмурт Дунне
By Удмурт Дунне 23 января, 2017 17:10
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Лыдӟисьёсты туннэ шулдырто редакциысьтымы ужасьёс, Атаслэн араз вордӥськемъёс.

Берлань ар

Ольга Вахитова, кыл кутӥсь секретарь.

Ӝӧк вылам возисько блокнот. Вылаз «Спасти и сохранить» гожтэмын. Ачим валатэк но, кызьы ке озьы луиз: вылтусыз тупаз пуштросэзлы. Журналистъёслэсь гожъямъёссэс нырысь ик мон лыдӟисько но тупатъясько бере, син улам шедем «тэйёсты» блокнотам гожтыса кельтӥсько. Тани ма таки ӧз вуы газетэ:

Нылашлэн гижыез ӵышкымтэ (кулэ: вандылымтэ).

Милям ульчаямы 1 скал. Нош гуртамы 4 сяна таза сюро йӧл сётӥсьёс ӧвӧл ни (йӧл уг луы таза сюро).

Азьло ӧз лэзьылэ иногородецъёсты (кулэ: инородецъёсты) анай кылзэс дышетыны.

Подъездэ пырыса, мешокез учкиллям но ас синъёссылы паймиллям (кулэ: оскиллямтэ) — отын вож нуны.

Нылаш бадӟым сьӧд синъёссэ мон шоры мычиз (кулэ: ӝутӥз).

Та нылъёс калыккуспо конкурсысь 2-тӥ степенё дипломат (кулэ: дипломант) луыса бертӥзы.

Унябейлэсь кузялэс (кулэ: кузял) шӧмзэ быдтон понна сакыр песок пононо.

Яссы городысь станциын милям эшелонмы контузие шедиз (кулэ: эшелонмес пуштытъязы).

Парсьютын (кулэ: пасьютын) вормиз Удмуртиысь спортсмен.

Писатель али ужа выль книгаез вылын (кулэ: бордын).

Уд яратӥськы тон та нылашез. Уд быгатӥськы люкыны улон сюрестэ (кулэ: уд быгатӥське ӵошен мыныны улон сюрес кузя).

Ортчиз таиз ар. Табере со берланьын ни (кулэ: тыбыр сьӧрын).

Атас ке но, пузасько

Елена Скворцова, отделлэн редакторез, та вакытэ куинетӥ нылпиен пуке.

Выль ар уе Кремль башняын курантъёс жугем улсын пичи бумага кесэгъёс вылэ мылкыдмес гожтӥськом, собере соосты шампанскоен (сокен) бокал вадьсын сутӥськом. Кӧня ке ар талэсь азьло вуж арез келян ӝытэ пие шуэ:

— Мама, «Барбоскины» мультфильмын 5 нылпизы. Милям но семьяямы сомында пиналъёсмы мед луысалзы.

— Мар тон, укыр трос со! — шуисько.

— Нош «Озорная семейка» мультфильмын 3 нылпизы: 2 пизы но 1 нылзы, —  аслэсьтыз вера Стёпа.

— Тыныд 1 сузэрен но тырмысал, — шуисько.

— Мон Выль арлы запискаям нуны курыса гожто, — вераз пие.

Мон ачим но со ӝытэ одӥг кыл гожтӥ: «нуны». Малпанмы быдэсмиз: со аре тодӥмы ни, семьямы бадӟымалоз шуыса.

Кылемаз Выль ар уе кема йырме ӧй тӥя — запискаям кык кыл гожтӥ: «пичи дыды». Паймоно кадь: картэ но сыӵе ик малпанзэ гожтэм. Табере «Озорная семейкаын» кадь семьяямы 2 пимы но 1 нылмы вань.

Нялтас вераса, картэ но, ачим но Атаслэн араз вордскемын. Но берло аръёссэ мынам атасъяськеме уг луы, куреглы укшасько потэ — пузасько но пузасько. Соин Атаслэн араз мыным уката удалтоз, дыр. Таяз радэ азьло ик дасяськи ни: лотерейной билет басьтӥ. Кин тодэ, оло, миллион утыны шуд усёз.

Ерпечкаос

Лариса Новикова, корректор, та вакытэ кыкетӥ нылпиен пуке.

Шуныт куазен Аня нылы трос полэс дӥсяськемысь, шуисько:

— Ульчаын шуныт ук, малы кык кофта дӥсяд?

— Тон вунэтӥд шат, мон мерзавка шуыса?

* * *

Возем нылылы шоколад сётӥсько.

— Мон таӵезэ уг сииськы, путырскоез яра.

Пайми, ма, кыӵе сыӵе путырской кампет вань? Карамелез куртчылыса сиемысьтыз, анаез шуэ вылэм: путыр-путыр эн сиы, пиньыд висёз. Отысь ик путырской кампет потэм.

SONY DSC

Выль ар анекдот

Анатолий Парськуков водитель.

Курег 5 килограммъем пуз вайиз.

Репортёр солэсь юа:

— Кызьы озьы пӧрмытӥды?

— Секрет!

— Кыӵе планъёсты азьла-незлы?

— 7 килограммъемзэ пузаны.

Репортёр атаслы вазись-киз:

— Кызьы озьы пӧрмы-тӥды?

— Секрет!

— Кыӵе планъёсты азьла-незлы?

— Страуслы визь ты-роно!

 

 

Удмурт Дунне
By Удмурт Дунне 23 января, 2017 17:10 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<