Сайкыт мынямез уз вуны

Удмурт Дунне
By Удмурт Дунне 12 января, 2017 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Ижысь 22 номеро шор ёзо но искусствоосъя П. Чайковский нимо 2 номеро школаосын таиз арня вискын калык ӧз бырылы. Адямиос сяська вайизы, Радик Закировез буре вайыса.

Ижысь Р. Закиров Ту-154 самолётэн Сочи дорын пазьгиськиз.

Радик Закиров — та школаослэн выпускниксы. Быриз Сочи дорын луэм авиакатастрофаын. Ту-154 самолёт омыре ӝутскиз 26-тӥ декабре выжон уе Москва бордысь Чкаловский аэродромысь. Адлере пуксьылыса, вырӟиз Сирия пала. Но ог 2 минут ортчыса, диспетчеръёслэн экранъёссы вылысь со ышиз…

Самолётын  вал 92 адями: 8-эз — экипаж, 64-ез — Александров нимо ансамбльысь артистъёс, 9 журналистъёс, 8 военнослужащийёс но благотворительностен вырисьёс. Артистъёс Выль ар концерт сётыны кулэ вал «Хмеймим» базаысь асьме ожгарчиослы…

— Пӧлазы милям выпускникмы Радик Закиров но вал шуыса, школамылэн директорезлы Геннадий Юсимлы соку ик ивортӥллям, — верало 2 номеро ДШИ-ысь дышетӥсьёс. — Секыт иворез соку ик пуктӥм сайтамы. Школаямы интыямы туспуктэмзэ, ӝуатӥм сюсьтыл. Отчы адямиос 7 часын ӵукнаысен лыктыны кутскизы ни, вуылӥзы на ӝыт 10 час котыр но…

Та школаын Р. Закиров дышетскем 1986-тӥ — 1994-тӥ аръёсы. Солэн дышетӥсез, пиослэн хоренызы кивалтӥсь Елена Кириллова, верамъя, пияш нырысьсэ лыктӥз атаеныз. Ачиз ик шуиз: мынам туж потэ кырӟаме!

Искусствоосъя школысь дышетӥсьёслэн син азязы со кылиз туж зӥбыт, тыршись, улонэз яратӥсь, йӧнъяськонэз валасьтэм, капчи мылкыдо пияшен.

— Радиклэн сайкыт мынямез будэмез бере но чик ӧз воштӥськы, со мынам син азям пыраклы сыӵеен кылёз, — куректэмзэ ватыны уг быгаты Елена Максимовна.

Школаез йылпумъяса, Р. Закиров дышетсконзэ азинтӥз Удмурт кун университетысь кунгожсьӧр кылъёсъя факультетын. Со азьын сюресъёс усьтӥськемын вал, кылъёсты тодыса, котькыӵе удысэз бырйыны быгатӥз. Но крезьгурез, кырӟанэз яратонэз вормиз! Университет бере со пыриз Ижысь крезьгуръя училищее. Отысь ини выжиз Москвае. Кырӟаз Александров нимо ансамбльын, одӥгез солист вал. Но Радик ноку ӧз вунэтылы вордскем Ижевскез сярысь. Татчы со ӵем бертылӥз. Али анай-атаез кошкемын Москвае Радиклэсь мугорзэ тодман понна.

Авиакатастрофа луэм бервылын утчаськон ужъёс йылпумъяськымтэ на, вань быремъёслэн мугоръёссы шедьтымтэ. Но самолётлэн «сьӧд ящикъёсыз» Сьӧд зарезьысь поттэмын ни. Специалистъёс эскеро самолёт усён мугъёсты.

Элина Кумачёва

Туспуктэм — «ВКонтактеысь» Искусствоосъя 2 номеро школалэн бамысьтыз 

 

Удмурт Дунне
By Удмурт Дунне 12 января, 2017 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<