Пытсэтлэсь мозмытӥзы… прокуроръёс

Удмурт Дунне
By Удмурт Дунне 16 января, 2017 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 

С. Панов.

Журналистъёсын пумиськылӥзы Удмуртиысь Прокуратураын ужасьёс. Соос кылем арын

ужамзылы йылпумъянъёс лэсьтӥзы.

Удмуртилэн прокурорез Сергей Панов вераз: кылем арын 14 процентлы ӧжытгес луизы йыртэман учыръёс. Но со понна 5 поллы йылӥз кузьмаськисьёслэн лыдзы. Сыӵе 51 мурт шараямын, нош 2015-тӥ арын 10 адями вал. Со герӟаськемын югдурез утён удысын тыршись ведомствоослэн огкылысь ужаменызы, пусйиз С. Панов. 2016-тӥ арын уждун тырымтэ понна 14 уголовной уж ӝутэмын, 9-эз соос пӧлысь шараяськиз прокуроръёслэн эскеронъёссы дыръя.

Озьы ик прокуроръёслэн тыршеменызы пытсэтлэсь утемын 2 мурт. Та воргоронъёсты полициын ужасьёс усыкмытӥсь суретъёсты вӧлмытӥсь карыса бышкись езъёс сьӧры келяны малпаллям. Но лушкем ужзы ӧз пишмы, югдурез утисьёс  табере йыртэмамзы понна асьсэос кыл кутозы.

Кылем арын прокуроръёс дӥне 6 сюрс 500-лэсь ятыр вазиськонъёс вуизы. Данакез соос пӧлысь герӟаськемын ЖКХ удысын кылдэм шугомон учыръёсын.

Удмуртиысь старшой прокурор Евгений Ведерников верамъя, ар куспын прокуроръёс эскеризы 3 сюрслэсь ятыр ву, шуныт, чагыр эстӥськон, капремонт понна мултэс тыриськонъёс, управляющей компаниослэн умойтэм ужамзы пумысен вазиськонъёсты.

— ЖКХ удысын быдэсъяськись ужъёсты чакла Энергетикая, ЖКХ-я но тарифъёсты кун ласянь радъянъя министерство бордын ужась Улон интыя кун инспекция, — вераз Е. Ведерников. — Отысь специалистъёслэсь ужамзэс эскеримы — трос янгышъёс шараяськизы. Кылсярысь, инспекцие вуэм вазиськонъёсты 59 номеро законъя 30 нунал ӵоже эскероно. Нош куд-ог учыръёсы адямиос гожтэтсылы валэктон 2-3 толэзь возьмано луо. Эскеронъёс бере инспекцилэн кивалтӥсез азе чурыт куронъёс пуктӥмы, янгышъёсты тупатыны куримы. Нош инспекторлэн нырысетӥ воштӥсез но  5 ужасьёс вылэ административной уж ӝутӥмы.

Али элькунысьтымы ЖКХ удыслэсь ужамзэ эскерыса возе 32 адями. Со туж ичи. Бускель улосъёсты, Марий Элэз, Чувашиез, чаклано ке, отын та ужез ик берыктэ 60-80 мурт. Соин Удмуртиысь Правительстволы вазиськонэн потӥм, инспекциын ужасьёслэсь лыдзэс будэтыны курыса.

Ангелина Снигирёва

Удмурт Дунне
By Удмурт Дунне 16 января, 2017 11:00 Updated