Ойдолэ ӝоггес… губияны!

Удмурт Дунне
By Удмурт Дунне 31 января, 2017 08:50
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 

Зинаида Рябинина, валтӥсь редактор

Телевизор пыр иворъёсты келлятэк учкылӥсь тодмое  шулӟектыса жингыртэ: тод ай, пе, гужем  гань-гань губияммы луоз на-а?

Вераськон мынэ вылэм Владимир улослэн губернаторезлэн Светлана Орловалэн кичӧлтонэз сярысь. Кылем сӥзьыл Сочиын ортчем инвестициослы сӥзем форумын со вераськем губи бичасьёсты лицензия басьтытон сярысь, малы ке шуоно калык, пе, та чотын трос барыш поттэ, нош бюджетэ одӥг копейка но выт уг пыры. Со коньдонэн луысал губи дасян заводъёс усьтыны, сылалтэм губиез Европае вузаса, Владимир улос гинэ ватсаса 2 миллиард манет поттысал!

Россиысь гурт удысъя министр Александр Ткачев та малпанлы дурбасьтэм. Одӥг иворъя сыӵе законопроект даяське, мукетызъя — уг. Калык, пе, укыр меӵак вала — вераськон мынэ тросэн заготконтораосы губи вузасьёс сярысь, нош аслыд сиыны гинэ бичаны ке — уз алэ. Но кин тодэ, Крымын, кылсярысь, дунтэк бичаны лэземын, пе, нуналаз 5 килограмм гинэ. Озьы-а, тазьы-а, но сыӵе закон калыкез уз шумпотты.

Со дыре ик Федерация Кенешын вераськонъёс мыно ни чорыган  понна дун пуктон сярысь. Гурт удыс политикая но  инкуазь узырлыкъёсты кутонъя комитет ӵектэ визнанэн чорыгасьёслы араз 300-500 манетэн билет вузаны! Воргоронъёс йыр бордазы кутско: так но вань тыметъёс частникъёс киын ни, табере шур дуре но уд васькы ни. Али законъя лэзем интыосын визнанэн чорыганы дунтэк яра, алэмын намотэн калтыны но мукет.

Эшшо но абдрамонгес  кичӧлтон (ма, таиз, закон ни вал, шуыны луоз) — муш вордон сярысь законэ воштон пыртон — соя депутатъёс мушкасьёсты индылыны туртто вал, кызьы, кыӵе ӝуждалае муш умортоосты пуктылоно, нош палэпсы лобӟыку, сое берыктыны, пе, право сётоно. Президент таӵе шоккетонэз ӧз вала — сыӵе кат  поттонлэсь алӥз.

Таӵе дыръя амалтэк тодэ лыкто пересьёсмылэн верамъёссы, кызьы соос ас киынызы мерттэм улмопу садъёссэс кораллязы, угось 1950-тӥ аръёсы выт октӥллям котькуд емышо писпу понна…

 

Удмурт Дунне
By Удмурт Дунне 31 января, 2017 08:50 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<