Ог-огзэс ӧз тодмалэ…

Удмурт Дунне
By Удмурт Дунне 28 января, 2017 10:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Задор мылкыд» ансамбль.

Ижысь «Спартак» культурая юртын, Ымусьтонлы но Вожодырлы сӥзьыса, Ленин ёросысь «Удмурт Кенеш» огазеяськон тунсыко ӝыт ортчытӥз.

Радъямын вал кырӟан-веранъёс, шудонъёс но турлы пӧртмаськонъёс. Люкаськем калыкез шулдыртӥзы Ленин ёросысь «Задор мылкыд» но «Ӟардон» коллективъёс.

— Ужрадмы туж шулдыр но тунсыко ортчиз, — вера «Задор мылкыд» ансамблен кивалтӥсь Юлия Елдынева. — Пӧртмаськонэ арлыдоос но, нылпиос но, олокыӵе ик  мудрон дӥськутъёс дӥсяса, пӧйшуръёс пӧрмытскыса, лыктӥзы. Котькудӥз аслэсьтыз кырӟаны-вераны но кылбур вераны быгатэмзэ возьматӥз. Устоосыз пӧлысь устоосыз синпель кузьымъёсын пусъемын вал. Троссэ пӧртмаськон дӥськутэн лыктэм эшъёсмес ӧм тодмалэ. Бӧрысь ваньмы, огинэ пуксьыса, пӧсь чай юимы, вуоно аре нош тазьы ик пӧртмаськон ӝыт ортчытон сярысь кенешимы. Бадӟым тау шуэммы потэ «Удмурт Кенеш» огазеяськонлэн Ленин ёросысь ёзэныз кивалтӥсьлы Илья Викторовлы. Со милесьтым мылкыдмес ӝутыны быгатэ.

Любовь Тихонова

Удмурт Дунне
By Удмурт Дунне 28 января, 2017 10:30