Кызьы Удмуртия туристъёсты кыскоз?

Удмурт Дунне
By Удмурт Дунне 17 января, 2017 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Тросгес верано Удмуртилэн брендъёсыз сярысь, шуиз В. Соловьёв. Сыӵеос луизы ини П. Чайковский, М. Калашников, Брангуртысь песянайёс.

Шаерамы туризмез азинтон амалъёс сярысь вераськизы Правительстволэн Тӧроез В. Савельев, Удмуртиысь культурая но туризмъя министр В. Соловьёв, пӧртэм министерствоослэн но ведомствоослэн, Удмуртиысь турфирмаослэн кивалтӥсьёссы.

Экскурсие — заводэ

Туризм кунлы барыш поттыны кулэ, шуизы ужрадэ люкаськемъёс. Удмуртилэн тае быдэстон понна луонлыкъёсыз вань. Шаерысьтымы паймымон интыосты учкыны вуылӥсь адямиос арлы быдэ йыло. Кызьы вераз культурая но туризмъя министр В. Соловьёв, 2015-тӥ арын дорамы кунояз 150 сюрслэсь ятыр адями, нош 2016-тӥ арын 6 толэзь ӵоже соослэн лыдзы 300 сюрслэсь тросгес вал ини. Шаерысьтымы тунсыко интыосты учкыны мылкыд каро асьме адямиос ик. Но одӥг пол кунояськыса, выльысь вуисьёс ӧвӧл ни. Соин малпаськоно, кызьы туристъёсты выльысь кыскыны быгатоно, вераз В. Соловьёв. Али Удмуртиын тросгес саклык висъяло этнографиен но культураен герӟаськем туризмлы. Но шедьтоно мукет удысъёсты но. Кылсярысь, Иж — промышленной город. Карлэн та аспӧртэмлыкез вылын промышленной туризм азинскыны быгатысал. Та туж юрттысал пиналъёслы азьлань улон сюрессэс бырйыны. Экскурсия чотын нылпиос предприятиослэн ужаменызы тодматскысалзы угось. Бен, Удмуртиын таӵе туризмен вырись фирмаос вань ини. Соос туристъёсты нулло «Ижмаш», автозавод, «Аксион» бордын кылдытэм музейёсы. Но кызьы пусъё турфирмаослэн кивалтӥсьёссы, шутэтскон нуналъёсы, куке туристъёслэн лыдзы тросгес луэ, соос уг ужало.

Китаецъёслы тунсыко… крезьгур

Тросгес верано Удмуртилэн брендъёсыз сярысь, шуиз В. Соловьёв.  Сыӵеос луизы ини П. Чайковский, М. Калашников, Брангуртысь песянайёс.  Удмуртиысь туриндустрия федерацилэн кивалтӥсез Илья Кычанов Брангуртысь песянайёслы нимзэс берыктон пумысен вазиськиз.

— Дорамы вуылӥсь туристъёс шаермылэсь туссэ Брангуртысь песянайёс пыр суредало, — вераз И. Кычанов. — Туж шуныт кылъёс кылӥськом кырӟась-верась коллективмы сярысь. Но, жаляса верано, соослэн нимзы утемын ӧвӧл. Али соослэн нимынызы кырӟало воксё мукет песянайёс. Малпасько, Удмуртиез быдэс дуннелы тодмо карем кырӟасьёслы нимзэс одно ик берыктоно. Озьы ик Яг бабушъя но автор правоосты юнматоно, кызьы лэсьтэмын ини Шарканысь Тол бабаен. Та нимъёсты аслыз басьтыны но Удмуртиын вордӥськем малпанъёс вылын узырмыны нокин медаз быгаты.

2019-тӥ арын пусъём дано конструкторлэсь М. Калашниковлэсь 100 ар тырмонзэ. Та бадӟым ужрадлы дасяськон ож тӥрлыкен герӟаськем туризмез азинтыны юрттысал, шуизы люкаськемъёс. Шаерамы автоматъёс, биатлонлы пыӵалъёс поттӥськом — таосын туристъёс тунсыкъясько. Эшшо ке М. Калашниковлэн нылыз атай юртсэ музейлы пӧрмытыны дась.

Удмуртие данак туристъёс вуо П. Чайковскийлы луыса. Дано композиторлэсь крезьгурзэ данъяло Китайын улӥсьёс но. Ӵапак шундыӝужан палась туристъёсты Удмуртие кыскон сярысь вераськиз культурая но туризмъя министрлэн воштӥсез Денис Утробин. Соослы тунсыко Воткаысь П. Чайковскийлэн музеез, Ижысь П. Чайковский нимо операя но балетъя театр. Туэ Удмуртиысь Культурая но туризмъя министерство но «Дом российско-китайской дружбы» огкыл гожтӥзы. Со юрттоз дорамы тросгес туристъёсты кыскыны, оско министерствоын. Табере ужано китай кылысь берыктӥсьёсты дасян бордын.

Ангелина Снигирёва

Туспуктэм: www.udmurt.ru

Удмурт Дунне
By Удмурт Дунне 17 января, 2017 11:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<