Кытын луоз вуэ пырыны?

Удмурт Дунне
By Удмурт Дунне Январь 18, 2017 14:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Йӧвылэсултон нуналэ шаерысьтымы 49 интыын пыласькыны лэземын.

Арлы быдэ 19-тӥ январе выжон уе вань мылкыд карисьёс шурын пыласько, вуэн гылто сьӧлыкъёссэс.

Соин ик Йӧвылэсултон нуналлы арысь аре рос-прос дасясько шаерысьтымы спасательёс. Муниципал кылдытэтъёсын кивалтӥсьёслы кылдытыны куремын пыласькон интыос. Соосты лэсьтыку, вань куронъёсты чаклано. Одно ик луыны кулэ: вулэн мурдалаез 1 метрысен 1 метр но ӝыныозь, вуэ пырон-потон интыосын пу пагӟаос, кылиськон-дӥсяськон инты. Кынмон учыръёс медаз кылдэ шуыса, вуысь потӥсьёслы пӧсь чай ӵектыны яралоз. Со сяна, йӧ вылэ огдыре трос калыкез лэзьыны уг яра. Югдурез утён вылысь отын дежурить карыны кулэ спасательёс, полициын ужасьёс. Чаклаське, пеймыт куазен вуэ огнады эн пыралэ.

Йӧвылэсултон нуналэ шаерысьтымы 49 интыын пыласькыны лэземын. Озьы нимысьтыз интыос кылдытэмын шуръёс вылын но ошмесъёс котырын. Тани соос:

Алнаш ёросысь Алнаш, Ӟатча, Асан Техникум черкогуртъёсын, Туймыйыл гуртын;

Ува ёросысь Кыйлуд, Мушковай, Красносельское, Удугуӵин, Ува, Сям-Можга, Выль Мултан гуртъёсын, Нылга черкогуртын;

Дэри ёросысь Ягул, Люк, Ожмос, Гольян, Дэри черкогуртъёсын, Италмас каргуртын, Хохряки, Вожоййыл гуртъёсын, «Лудорвай» музей-заповедникын;

Шаркан ёросысь Шаркан черкогуртын но Пороз гуртын;

Вотка ёросысь Перевозной, Пихтовка черкогуртъёсын, Бадӟым Кивар гуртын;

Якшур-Бӧдья ёросысь Як-шур-Бӧдья черкогуртын но Ӵошкыт гуртын;

Красногорск ёросысь Агриколь гуртын;

Можга ёросысь Можга, Нынек, Уча черкогуртъёсын;

Пичи Пурга ёросысь Пичи Пурга, Норъя, Брангурт, Яган, Яган-Докъя черкогуртъёсын, Пытсам гуртын;

Сарапул ёросысь Нечкино черкогуртын;

Юкаменск ёросысь Тылыс гуртын;

Дэбес, Сьӧлта, Каракулино, Кизнер черкогуртъёсын;

Ижевск, Можга, Вотка  но Камбарка городъёсын.

Валентина Емельянова

Удмурт Дунне
By Удмурт Дунне Январь 18, 2017 14:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<