Кыӵе малпанъёс чузъяськозы Dart газетлы сӥзем котырес ӝӧк сьӧрын?

Удмурт Дунне
By Удмурт Дунне 24 января, 2017 13:45

Егитъёс люкаськозы «Дарт» газет: проектъёс но выль сюрес» котырес ӝӧк сьӧры. Ужрад ортчоз 24-тӥ толшоре 18.00 часын, «Лифт» юртын.

Кыӵе юанъёс котырын вераськон мыноз?

— Dart газетлэн нырысетӥ вамышъёсыз. Вераськозы «Удмурт дунне» газетлэн валтӥсь редакторез Зинаида Рябинина, азьветлӥсьёс Алексей Шкляев, Дарали Лели, Лара Дмитриева.

— Dart газетлэн адӟем карымон проектъёсыз но ужрадъёсыз.

— Авторъёсын но лыдӟисьёсын ужан амалъёс.

— Егитъёслы газетлэн азьлань сюресэз. Выль малпанъёс, выль сюрес.

Пумиськонэз нуоз Мария Векшина.

6 ар ӵоже «Дарт» газетлэн шыкысаз уно тунсыко номеръёс, литературной ужрадъёс, социальной проектъёс, концертъёс люкаськизы. Ваньмыз сямен соос егитъёслы асьсэзыс шедьтыны, быгатонлыкъёссэс возьматыны луонлык сёто. Котырес ӝӧк сьӧрын берло 6 арлы йылпумъянъёс лэсьтэмын но газетлэн вуоно сюресэз сярысь вераськон ӝутэмын луоз. Кыӵе проектъёсын азьланяз ужано? Кызьы егитъёсты бордаз кысконо?

«Удмурт дунне» газетлэн  егитъёслы «Dart» ватсэтэз улонэз адӟиз 2011-тӥ арын 26-тӥ толшоре. Кызьы соку гожтӥз «Удмурт дунне» газелэн валтӥсь редакторез Зинаида Рябинина, егитъёс пумиськонъёсын куризы асьсэлы газет. Озьы выль ватсэт бордын ужаны сермет сётэмын вал егитъёслы, со борды мылысь-кыдысь басьтӥськизы Алексей Шкляев, Елена Никитина (Слащёва), Лариса Дмитриева но Дарали Лели — удмурт культураын тодмо азьветлӥсьёс. Ваньзы сямен соос пыриськозы ужрадэ.

Витиськом вань мылкыд карисьёсты! Ужрад дыръя луоз гожтӥськыны газетлы.

УД

Удмурт Дунне
By Удмурт Дунне 24 января, 2017 13:45
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<