Кезьыт бере пӧсь

Удмурт Дунне
By Удмурт Дунне 31 января, 2017 16:07
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Туэ мон нырысьсэ Йӧвылэсултон нуналэ пыласькыны ветлӥ.

Толалтэ кезьыт вуэ пыраны мылкыды кемалась вал ини. Но дӥсьтонлыке ӧз тырмылы. Туэ сьӧразы ӧтизы Йӧвылэсултон нуналэз арлы быдэ шур дурын пумитась тодмоосы.

љыт 10 час бере вуим Лудорвайысь музей-заповеднике. Отын пыласькон инты 9 часын усьтӥськиз. Шуныт мугорзэс кезьыт вуэ чуртнасьёс трос уз луэ, малпай вал. Урамын 16 градуслэсь кезьыт уго.

Но татын адямиослэсь черод люкаськемын вал ни. Огъёсыз пыласькыса тылскем дорын шунтӥсько вал ини. Шӧдӥське, соослэн мылкыдзы умой, нокин дырекъяса уг сылы.

Черодын сылӥсьёс пӧлын данак егит адямиос. Кин ке татчы эшъёсыныз, кин ке кузпалъёсыныз, нылпиосыныз вуэм. Азьпаламы ог 30 адями. Ыш-ыш-шышш! Вуэ пыратэк но, возьмаса гинэ кынми ини. Тани милям но черодмы вуиз. Бер ӧвӧл на чигнаны но тылскем дорын чай юыны. Но аслым ачим кыл сётӥ вал ук…

Кышкамлэсь-а, кезьытлэсь-а пыдъёс, быдэс мугор дыр-р-р куалекъяло. Эшъёсы вуысь потӥзы ни. Астэ ачид вормоно. Черодзэс возьмасьёс мон шоры синъёссэс мертчытӥзы кадь, пыроз-а, уз-а та шуыса. Пыро! Кезьыт ву нырысь пыдъёсты, собере быдэс мугорез шобыртӥз. Дышымтэ вылысь мугор кезьытэз уг вала, лэся. Вуысь потыса гинэ, пиньёсы ваче шуккиськыны ӧдъязы. Нош ог минут ортчыса, мугор ӝуаны ӧдъяз кадь. Асме ачим ворми, номыр кышкытэз вылымтэ. Пыласькем бере пӧсь чай но гурысь али гинэ потэм табань мылкыдэз эшшо но ӝутӥзы. Вуоно арын люкмес дуре выльысь мыно.

Ангелина Снигирёва

Туспуктэм вотэсысь кутэмын

Удмурт Дунне
By Удмурт Дунне 31 января, 2017 16:07
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<