«Кенешез» лыдӟо, ярато, дунъяло

Удмурт Дунне
By Удмурт Дунне 18 января, 2017 10:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

«Кенеш» журналлэн потыны кутскемез дырысен туэ 90 ар тырмиз. Таин валче редакциын ужасьёсын пумиськонъёс ёросъёсысь лыдӟиськонниосын но школаосын быдэс ар ӵоже ортчылӥзы. Шумпоттэ соиз: журналмес лыдӟо, ярато, дунъяло.

«Кенеш» журналлэн оскымон эшъёсыз, изданиез калык пӧлы вӧлмытыны юрттӥсьёсыз: А. Перминова, В. Смирнова, Л. Прокопьева, Г. Бочкарёва, Л. Кузьмина, М. Гарифуллина, Л. Семакова.

«Кенеш» журналэз удмурт калык доры вуттон понна Трофим Борисовен Куӟебай Герд 1923-тӥ арысен ик сюлмаськыны-ужаны кутскиллям, нош 1926-тӥ арын 28-тӥ тулыспалэ со лыдӟисьёс доры вуиз ни.

Журналлэн нырысетӥ номерезлэн тиражез 1 сюрс 200 вылэм. 1960-тӥ-1970-тӥ аръёсы 15 сюрсозь но вуылэм. 1990-тӥ аръёсы, шаерамы огъя югдур шугомемен, солэн тиражез усьыны ӧдъяз. Берло аръёсы со 1 сюрс 500 котыр возиське. Трос-а со, ӧжыт-а? Быдэс Россие вӧлмись ӟуч литературной журналъёсын ӵошатоно ке, «Кенешмы» соос пӧлын алама уг адӟиськы. Ӵошатэ ай: «Новый мир» журнал 3 сюрс тиражен потэ, «Аврора» воксё 1 сюрс гинэ.

Журналэз вӧлмытон уже мыло-кыдо пырисько лыдœисьёсмы но. Трокай Борисовлэн вордскем музъем вылаз «Кенешез» лыдӟисьёс котькытынлэсь тросгес. Алнашъёс почта пыр но, редакция пыр но журналэз тросгес басьто. Тани туэ но, юрттӥсьёсмылэн сюлмаськеменызы, алнаш музъем вылын лыдӟисьёсмылэн лыдзы будӥз. Кузёбайын гинэ туэ редакция пыр журналэз 44 мурт басьтэ. «Кенеш» котыре кузёбайёсты люка-огазея дышетӥсь Лидия Ивановна Прокопьева. Алнаш больницаын ужась Валентина Фёдоровна Смирнова пыр журналэз кема аръёс ӵоже басьто ни ёрос эмъяськонниысь врачъёс, эмсузэръёс. Пӧртэм ёросъёсысь котькудӥз юрттӥсьмы сярысь тазьы пыр-поч вераны быгатӥськомы.

Жаляса верано, журналмылэсь юбилейзэ туэ паськыт пусйыны ӧм быгатэ, но юрттӥсьёсмес, журналмылэсь оскымон эшъёссэ одно дорамы ӧтёно кариським. 14-тӥ толсуре сыӵе пумиськон ортчиз. Трос шуныт кылъёс верамын вал лыктэм куноослы. Соослы луыса уго Алнаш, Пичи Пурга, Можга, Шаркан, Дэри, Кизнер, Грак, Красногорье, Ува, Якшур-Бӧдья, Вавож ёросъёсын но Иж, Глазов, Вотка каръёсын «Кенешез» тросгес лыдӟисьёс басьто.

Редакциын ужасьёсын пумиськонъёс дыръя адямиос бадœымесь романъёс, повестьёс куаш-куаш лыдœыны мылкыдамзэс верало. 2017-тӥ арын сыӵе чеберлыко гожтосъёсмы луозы. Анатолий Перевозчиковлэн, Елена Миннигараевалэн, Ульфат Бадретдиновлэн, Николай Павловлэн ужъёссы сюлэмады лякиськозы шуыса, малпаськом, нош Михаил Атамановлэн «Покчи дор музъеме» тодэ ваёнъёсыз вуоно арын но азьланьтӥськозы на.

Кылбурет удыс сярысь ке верано, выль чуръёсынызы тодматозы Елена Виноградова, Рафит Миннекузин, Семён Карпов, Алексей Ельцов но мукет кылбурчиос. Котьку сямен ик печатласькозы лыдœисьёсмылэн, егит гожъясьёслэн ужъёссы.

Журналмес басьтӥсьёс тодо: котькуд аре кыӵе ке огъя темалы сӥзем номер поттӥськом. Туэ вуэмез пӧртэм сӥзёнъёслэсь, ӟечкыланъёслэсь малпамын вал. Пусйыны кулэ: та номермес лэсьтонэ асьсэос лыдӟисьёс но пыриськизы. Ваньзылы бадӟым тау шуэммы потэ. Азьланяз но та выллем номеръёсмес поттаны чакласьком.

«Кенеш» журналэз шаерамы улӥсьёс гинэ уг басьто, солэн палэназ улӥсьёс но мылысь-кыдысь лыдӟо, кунгожсьӧръёс но гожтӥсько. Венгриысь кылосбур тодосъя доктор Жужа Шаланки, кылсярысь, журналмес туж кемаласен ни арлы быдэ басьтэ, Удмурт кун университетын ужась Эса-Юсси Салминен фин дышетӥсь но журналэнымы эшъяське.

Шумпотоно, университетысь литература тодосчиос «Кенешмылы» ваньзы сямен гожтӥсько шуыса, Историяя, кылъя но литературая Удмурт институтысь тодосчиос но журналмес мыло-кыдо басьто. Радиоын, телевидениын, мукет газет-журналъёсын тыршисьёс но «Кенешен» эшъясько.

Оскиськом, журналмес басьтӥсьёс азьланяз но соин кусыпъёссэс уз ыштэ, нош кин али уг басьты на, соин тодматскыны, солы гожтӥськыны мылкыдыз љутӥськоз.

«Кенеш» журналлы гожтӥськыны луэ почта пыр но, редакция пыр но.

«Кенеш» журналын  ужасьёс

Удмурт Дунне
By Удмурт Дунне 18 января, 2017 10:15