Историлэн корт киыз. Ханты литературалэн сюресэз

Удмурт Дунне
By Удмурт Дунне Январь 12, 2017 17:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Ханты калыклэн литератураез сюрессэ мытэ кылем даурлэн 30-тӥ аръёсаз. 

Ӵапак со вакытэ дышетӥсьёсты дасянъя Остяко-Вогульской училищеын «Советский Север» фольклорно-этнографической, литературной журнал кылдӥз, потӥз солэн 4 номерез. Со бордын ужазы асьсэос студентъёс, юрттӥськизы татчы одӥг арлы вуэм ӟуч дышетӥсьёс В. Сенкевич но И. Гудков. Та дышетӥсьёс ик ӟуч кылэ берыктӥзы ханты писательёслэсь куд-ог кылбуръёссэс, нош 1940-тӥ арын поттыны юрттӥзы «Ханты-мансийская поэзия» антологиез.

1940-тӥ-1950-тӥ аръёсы ханты литература «кынме». Со Быдӟым ожлэн бервылыз. Выльысен Уйпалась литература улӟиз 1960-тӥ аръёсы. Соку ханты литератураын бадӟым кизилиос ӝуатско: В. Волдин, М. Шульгин, М. Вагатова, Е. Айпин, Т. Молданова но мукетъёсыз. Соос басьтэмын вылӥ тодон-валан, уноез дышетскемын Москваысь Литературая институтын.

Оглом  верад ке, ханты литератураез лыдӟыса, тодыны луэ калыклэсь историзэ. Литература — улонлэн синучконэз. Фольклорысен кутскыса, произведениосын возьматэмын Уйпал калыклэн улонысьтыз пӧртэм вакытъёс. Кызьы ханты калыклэн сюлмаз мур пытьы кельтӥзы христианизация,  коллективизация, Быдӟым ож, урбанизация… Ваньмыз со ханты семья вылын шӧдӥське. Нош семья куашка ке, бырыны кутске быдэс калык но. Т. Молдановалэн «Средний мир» Анны из Маланга» кузьмадёсаз совето вакытэ семьяослэсь пӧйшуран тӥрлыкъёссэс талало вал, воргоронъёссэс кытчы ке нуо. Анна 8 нылпиосыныз, уно мукет кышноос кадь ик, кыле огназ. Кызьы табере утёд соосыз, кызьы сюдод? Озьы ик кышномурт нылпиоссэ огзэ бӧрсьы мукетсэ «улӥ дуннее» келя. Утьыны быгатэ 3-зэ гинэ. Юзыр-кезьыр луоно, куке Анна огназ кион вылэ потэ, нылпиоссэ сюдыны выре, синкылиоссэ возе, нылпиоссэ ватыкуз — уго  шайгу вылын бӧрдыны уг яра.

Ханты калык озьы ик мур шӧдэ  цивилизацилэсь, городлэсь корт кизэ. Т. Молдановалэн ик «Касание цивилизации» кузьмадёсаз героиня быгатэ берытскыны вордӥськем палъёсаз, вунэтыны турттэ городын паласькем «висёнъёссэ». Но героинялы дораз но гань-гань улыны уг кылды — Уйпала вуо мувӧй поттӥсьёс, чылкыт музъемез саптасьёс.

Та калыклэсь литературазэ уг луы висъяны фольклорлэсь. Геройёс ялан тодазы вайыло инмаръёссэс (тылэз утись Тут-имие, инбамлэн атаез Торум, адямиосты сиись Менк но мукетъёсыз), повествование ӵемысь узырмытэмын кырӟанъёсын, мадёсъёсын. Авторъёс, асьсэ произведениоссэс гожъям сяна, люкало песянайёсынызы верам выжыкылъёсты. Соосты шедьтыны луэ Е. Айпинлэсь но, М. Вагатовалэсь но, Ю. Вэллалэсь но. З. Лонгортова, кылсярысь, гожтэ Урод анай — Атам анки — сярысь. Пусъе, со песянаелэн верам выжыкылэз шуыса. Огназ улӥсь кышномурт доры куное воргорон вуэ. Соос ӵошен сисько, нылаш сӥлен валче изэз ньылэ — кӧто луэ. Но кин табере сое  кышно басьтоз на, уго куноез олокытчы ыше. Озьы со вордскем пизэ шур кузя лэзе. Дыр ортчыса, воргорон берытске но ваньзэ вала. Шуэ: ӧд быгаты тон милесьтым яратонмес утьыны, озьыен, табере быдэс даурдэ огнад ортчытод.

Озьыен, ханты калыклэн литератураез утьыны турттэ фольклорез, возьматэ историлэсь шекъёссэ. Тодосчи Е. Косинцева верамъя, ханты кылын гожтэм литература али уг шедьты ни аслэсьтыз лыдӟисьсэ. Со герӟаськемын ӟуч кыллэн вӧлмеменыз. Соин ик тросэз авторъёс гожъясько ӟуч кылын.

Мария Векшина

Удмурт Дунне
By Удмурт Дунне Январь 12, 2017 17:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<