Герд — асьме пӧлын

Удмурт Дунне
By Удмурт Дунне Январь 24, 2017 16:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Арлы быдэ К. Гердлэн вордӥськем нуналаз элькунамы ортчо пӧртэм ужрадъёс. Солэн синпелетэз азе лыкто адямиос, удмурт движениысь активистъёс. Калыкмылэн улоназ К. Гердлэн интыез сярысь вераськон мынӥз Йӧскалык музейын но.

К. Герд нимо гимназиысь нылпиос югдытћсьлэсь кылбуръёссэ лыдњо.

Музейлэн фойеяз калыкез возьмаз югдытӥсьлы сӥзем адӟытон.

— Та адӟытон татын ялан ужа. Сое котькуд мылкыд карись дунтэк учкыны быгатэ, — пусйиз Йӧскалык музейысь наукая ужась Мария Калмыкова. — Татысь адӟыны луэ К. Гердлэсь ас киосыныз гожъям ужъёсты, туспуктэмъёсты. Соосты югдытӥсьмы, экспедициосы потакуз, лэсьтэм.  Татысь ик адӟыны луэ Илья Ходыревлэсь туж тунсыко суредъёссэ. Соосты К. Гердлэн «Человек и его рождение у восточных финнов» диссертациезлы суредам. Та диссертацилэн нырысетӥ люкетэз шедьтэмын вал Финляндиын. 1993-тӥ арын со печатламын. Жаль, кыкетӥ люкетэз шедьтэмын ӧвӧл.

Нялтас вераса, югды-тӥсьмылэн 2 диссертациез вал. Но кыкетӥез, удмурт калык фольклорлы, кырӟанъёслы, мадиськонъёслы сӥземез, чиптэм-чаптэм ышемын. К. Герд Йӧскалык музейлэн директорез луыса но ужаз. Ӵапак со вакытэ  фонограф басьтэм. Тазэ но арбериез адӟытонысь учкыны луэ.

— Нош таиз К. Гердлэн печатлан машинкаез, — шуэ Мария Калмыкова. — Сое милемлы поэтлэн агаезлэн нылыз Роза Кувшинова сётӥз…

Музейысь адӟыны луэ на К. Гердлы сӥзем туала ужрадъёсысь, Герд лыдӟонъёсысь, пӧртэм экспедициосысь ужъёсты, туспуктэмъёсты, поэтлэсь пӧртэм аръёсы потэм книгаоссэ.

К. Гердлэн вордӥськем нуналаз Йӧскалык музейын дунтэк учкыны луиз удмурт калыклы сӥзем адӟытонэз но. Нимысьтыз экскурсиос удмурт но ӟуч кылъёсын радъяськизы. Со сяна, К. Гердлэн туала улонын интыез пумысен вераськизы Йӧскалык музейлэн директорез Александр Волков, К. Герд нимо гимназилэн директорез Анжелика Михеева. Нош «Удмурт Кенеш» огазеяськонлэн Ижысь Первомай ёросысь ёзэныз кивалтӥсь, удмурт гимназилэн нырысетӥ директорез Ольга Шилова тодаз вайиз удмурт гимназиез усьтон, солы К. Гердлэсь нимзэ сётон вакытъёсты.

— Со 1990-тӥ аръёсы вал, — пусйиз Ольга Константиновна. — Секыт вал мыным но, вӧзам ужась эшъёсылы но. Гимназиез усьтон понна туж трос лэсьтӥз дышетонъя министрлэн соку воштӥсез Валентина Ившина. Тау солы. Нош малы К. Гердлэсь нимзэ сётӥм? Удмурт калыклэн одӥгез тужгес зол азьветлӥсез шуыса. Солэсь адӟем карыса, удмуртлыкез пыӵатыны, калык понна дурбасьтыны мед быгатом шуыса. Асьмеос но, будӥсь пиналъёс но.

Музейын вераськем бере вань калык вамыштӥз К. Гердлэн синпелетэз доры. Татын но котькуд мылкыд карись быгатӥз аслэсьтыз малпанъёссэ шараяны, К. Гердлэсь кылбуръёссэ лыдӟыны. Синпелетэз азе сяська понӥзы «Удмурт Кенеш» огазеяськонлэн тӧроез Татьяна Ишматова, «Удмурт Кенешлэн» Ижысь ёрос ёзъёсызлэн кивалтӥсьёсыз, К. Герд нимо гимназиысь пиналъёс, Йӧскалын музейын ужасьёс, журналистъёс но вань мылкыд карисьёс. К. Гердэз буре вайыны вуылӥз Кун Думаысь депутат Алексей Загребин. Со пусйиз: асьмелэн К. Герд кадь визьмо адямиосмы вал шуыса, бадӟым тау карисько историлы но, Инмарлы но…

Ижысь нылпи садын ужась Марина Родионова синпелет доры 2 нылъёсыныз лыктэм.

— К. Гердлэн вордӥськем нуналаз синпелетэз азе сяська поно шуыса, Интернетысь лыдӟи, — шуэ со. — Аслам но лыктэме потӥз. Бадӟымез нылы школаын дышетске, пичиез садике ветлэ на. Но соос но Гердлэсь нимзэ мед тодозы…

Синпелет азьын вераськон туж шуныт радъяськиз. Ваньзылэн сюлмазы одӥг мылкыд вал кадь: К. Герд али но асьме пӧлын…

Елена Миннигараева

 

Удмурт Дунне
By Удмурт Дунне Январь 24, 2017 16:05
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<