5 сюрс студент — ураме?

Удмурт Дунне
By Удмурт Дунне 27 января, 2017 16:08

Дышетсконзэ туэ йылпумъясь 800 пала адями басьтоз Восточно-Европейской институтэн одӥг холдинге пырись Москваысь вузлэсь дипломзэ.

Ижысь Восточно-Европейской институтлэсь басьтӥзы кун аккредитацизэ. Рособрнадзор таӵе косон поттӥз ай Выль ар каникулъёс азьын.

Но туннэ та вузын огыр-бугыръяськон кылдытэмзы уг поты. Отысь ректоратын оско, матысь дыре соос ваньзэ выльысь радъялозы, огкылын гожтэм куронъёсты быдэстозы шуыса. Угось институтэз пытсад ке, 5 сюрс пала студентъёс шуге-леке вуозы — сомында мурт али отын тодон-валан басьтэ.

Озьы вылысьтыз вылаз ортчылӥсь кенешонъёсын верасько: студентъёс азьло сямен ик дышетскозы, экзаменъёс Ижын ик радъяськозы, дипломъёс кун образецен луозы. Зэм, дышетсконзэ туэ йылпумъясь 800 пала адями  басьтоз Восточно-Европейской институтэн одӥг холдинге пырись Москваысь вузлэсь дипломзэ. Нош отӥяз асьме институт кун аккредитацизэ берыктыны турттоз, пе.

 

Элина Васильева

Удмурт Дунне
By Удмурт Дунне 27 января, 2017 16:08