Юыны дышето… анай-атайёс

Удмурт Дунне
By Удмурт Дунне 17 декабря, 2016 14:47
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Шаерамы 11 толэзь куспын пиналъёсын лэсьтэм 637 йыруж пусъемын, ивортӥз быдэ вуымтэосын ужанъя но участковойёслэсь ужзэс радъянъя управленилэн кивалтӥсезлэн воштӥсез Вероника Малькова.

Полицие учётэ шедись нылпиослэн лыдзы уг усьы. Тросэз соос начар семьяосысь.

Учётэ шедись пиналъёслэн лыдзы уг усьы.  Тросэз соос начар семьяосысь.

Котькудӥз 11-тӥез йыруж лэсьтэмын кудӟем йырын. Пиосын ӵош йыртэмало нылъёс но. Туэ кырмемын 74 нылаш.  Жаляса верано, таӵе дыдыос арысь аре тросгес люкасько. Быдэ вуымтэос ӵемгес лушкасько, пӧяськыса я кышкатыса мурт ваньбурез талало, адямиез жуго. Городъёсын гинэ нылпиос алякесь ӧвӧл. Ёросъёс но та ласянь бере уг кылё, кылсярысь, Дэбес, Вавож, Дэри, Ува.

Быдэ вуымтэосын ужанъя управление ӟеч кусып возе шаерысьтымы эмъяськонниосын. Кудӟем я усыкмем нылпиос отчы шедем бӧрсьы ивор соку ик управление вуэ. Туэ 95 пиналъёс эмъясьёс кие шедьылӥллям. Та пӧлысь бадӟым люкетэз — Ижын улӥсьёс. Тужгес покчиезлы  12 арес. Со Ижысь Индустриальной ёросысь огаз коркалэн пырон дораз кудӟыса пограм.

Туэ полицие вуттэмын 2 сюрслэсь ятыр нылъёс но пиос. Та пӧлысь 764-ез сач-сач кудӟемын вылӥллям. Пиналъёс курыт юон борды басьтӥсько, анай-атайзылэсь, тодмооссылэсь адӟем карыса. 11 мумы-бубы административной кыл кутон улэ кыскемын.

В. Малькова пусъе: нылпилэсь урод сямъёсын эшъяськемзэ валаны капчи. Со урокъёслы дасяськемысь, школае ветлэмысь дугдэ, выль тодмоосыз кылдо, керӟег но лушкем кариське. Ӵапак соку пиналлы юрттоно — кудӟыса йыруж лэсьтыны кема ӧвӧл.

Выль ар шутэтскон нуналъёсы шаерысьтымы тросэз нылпи лагерьёс ӧсъёссэс усьтозы. Соосты полицейскойёс али ик эскерыса потӥзы ини. Выль ар дыръя югдурез утисьёс пыралозы кафеосы но. Туэ 40 пиналэз отысь туздыртӥзы.

— Анай-атайёс нылпизэс сакгес мед чаклалозы шуыса, законэ воштонъёс пыртоно. Али соосты административной кыл кутон улэ гинэ кыскеммы луэ. Нош пытсэт сьӧры пуктылысалмы ке, соку, оло, таӵе капчи визьемесь ӧй луысалзы, — шуиз Вероника Малькова.

Ольга Корепанова

Туспуктӥз А. Горбунов

Удмурт Дунне
By Удмурт Дунне 17 декабря, 2016 14:47
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<