Уродзэ вунэтоно, азьлань вамыштоно

Удмурт Дунне
By Удмурт Дунне 28 декабря, 2016 14:59
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 Куд-ог  спортсменъёс понна таиз ар кемалы вунонтэм кылёз.

 Сергей Пудов — инвалид спортсменъёс пӧлын великен ворттылонъя Россиысь но дуннеысь ӵошатсконъёсын трос пол вормись:

— 9 ар великен ворттылэме бере бадӟым малпанъёсы быдэсмозы кожай вал. Туэ Рио-де-Жанейро городын ортчем Паралимпиадае Удмуртиысь эшеным Руслан Гильмутдиновен шедьыны путёвка но утӥмы ни вал, жаляса верано, Олимп гурезез адӟыны ӧз кылды. Спорт но политика сураськемын. Допинген герӟаськем ужпумъёслы луыса Паралимпиадае Россилэн быдэс командаез ӧз шедьы. Но ми, инвалид спортсменъёс, ӝожтӥськыны дышемын ӧвӧл, азьлань вамыштӥськомы. Сюресмес туэ ӵогизы бере, вуоно ӵошатсконъёслы дасяськоно.

Алигес мон атай луи. Толалтэ семьялы тросгес дырме висъясько, пичи пимы шумпотон кузьма, ӵуказе нуналлы кужым сётэ.

 Александр Поварницын — Европаысь но дуннеысь биатлонистъёс пӧлын вормонъёс басьтылэмын, та нуналъёсы «Ижысь винтовка» ӵошатсконын нимаз бызьылонын 6-тӥ луиз:

— Валля аръёсы куас сюрес вылын капчиенгес бызьылӥ, шонергес ыбылӥськи,  нош туэ пыдъёсылэн кылзӥськемзы уг поты. Вылаз ик, кынман висёнъёс бордам лякиськылӥзы, нош формаез ыштӥськод ке, выльысь ӧре пырыны секытгес.

Кин ке понна ар декабрь толэзе йылпумъяське ке, тол амалъя ӵошатсконэ пыриськисьёс понна та толлэн кутсконэз гинэ луэ. Соин ик биатлонистъёслэн арзы йылпумъяськытозь, оло, мон доры но вормонъёс вуозы. «Ижысь винтовка» ӵошатсконын аслэсьтым кужымме возьматэме бере монэ Европаысь ӵошатсконъёсы басьто, малпасько, азьланяз, оло, дуннее но ӧсъёс усьтӥськозы.

 Ульяна Кайшева — биатлонъя Россилэн сборнойысьтыз спортсмен:

— Биатлонэн 10-тӥ арзэ эшъяськисько. Бадӟым вормонъёсы 2012-тӥ-2013-тӥ аръёсы вал, нош собере бызьылон сюресэ нюко-гопо луиз: я вормонъёс басьтӥсько, я келясько. Спортын сотэк уг луы, стартлы быдэ дасяськиськод ке но.

Та нуналъёсы мугормес кыдатӥськомы Германиысь Оберхоф городын. Ӝоген тодмо луоз, кин бызьылоз дуннеысь биатлонистъёслэн кубок понна нюръяськонзылэн 4-тӥ люкетаз. Стартъёслы дасяськисько, валасько, учкисьёс  вормонъёсме витё, но куд-ог дыръя малпамъя гинэ бызьылыны уг луы. Туж потэ ваньмызлы шумпотон кузьмаме, оскелэ, ми ваньзэ лэсьтыны тыршомы вормон понна.

Валентина Емельянова

Выль ар — анай-атаен

Туж тунсыко тодыны, кызьы меда егит кырӟасьёслэн арзы ортчиз, кызьы пумиталозы Выль арез.

Ксения  Ахметханова:

— Туэ бадӟым вормонэ — «Куарагур» проектын нырысетӥ инты басьти. «Тонэ веръян» кырӟанэлы клип поттӥм. Шумпотӥсько, калыклы выль шӧмо крезьгурез возьматыны луиз шуыса, ӵапак озьы, кызьы мон сое ачим шӧдӥсько. Вуоно аре выль крезьгур поттыны малпасько, укулеле инструментэн шудыны дышетскеме потэ. Нош Выль арез семьяеным ӵош пумитало. Кемалась дорын пумитаме вал ни, соин ик малпай гуртам, Башкирие, бертыны. Котькуд ар милям аныкаймы Выль ар пумитаммы бере, гондырлы яке кин ке мукетызлы пӧрмытскыса, пичиос доры потэ.

Илья Едыгаров:

— Мон шумпотӥсько, дышетскон арме умой йылпумъяй шуыса. Со сяна, кутски фотошопын, видеоредакторын ужаны. Табере пӧртэм амалъёсын суредаськисько ни. Эшшо мон «Шунды» огазеяськонлэн ёзчиез луи но пӧртэм концертъёсын битбокс шудӥ. 2017-тӥ арын малпасько дышетсконын выль вормонъёс басьтыны, но тазьы ик будыны, лапкомоно ӧвӧл! Выль арез гуртын семьяеным пумитало, собере эшъёсын клубе мыно.

 Евгения Корепанова

 

Удмурт Дунне
By Удмурт Дунне 28 декабря, 2016 14:59
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<