Пӧртэм тусо тушъёс

Удмурт Дунне
By Удмурт Дунне 27 декабря, 2016 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Котькуд калыклэн Тол бабаез аслаз. Маин соос ог-огзылэсь пӧртэм луо? Ойдолэ тодматском Россиын улӥсь тол кузёосын.

Удмурт Тол бабай

Вашкала дыръёсы улӥл-лям-вылӥллям алангасаръёс, но малы ке соос Уйпала кќчиллям. Одӥгез  алангасар вордӥськем палъёсысьтыз кошкымтэ. Инкуазь шќдэм солэсь дорзэ яратэмзэ но пӧйшуръёс, будосъёс сярысь вань тодон-валанъёссэ кузьмам. Со алангасар пӧрмем пересь визьмо бабайлы, калык азе потэм толалтэ. Озьы сое Тол бабай ниманы кутскиллям.

Бигер Кыш бабай

Кыш бабайлэн дӥсез лыз, йыраз — тюбетейка. Солы юрттӥське Лымы ныл — Кар кызы. Бигер Тол бабай улэ Арск ёросысь Яна Кырлай черкогуртын (ӵапак татын вордӥськемын «бигер Пушкин» Габдулла Тукай). Кыш бабай кыл кутэ тужгес кузь тол уез — 22-тӥ толсурез — шулдыр ортчытон понна. Ӵапак та нуналэ вордӥськемын ачиз бабай. Уго азьвыл куд-ог калыкъёс Выль арез каро вал нунал воштӥськон вакытэ — 22-тӥ-23-тӥ толсуре.

Якут Чысхан

Саха шаерын оско, Чысхан Россилэн тужгес кезьыт интыяз улэ шуыса — Оймякон черкогуртын. Солэн изьыяз вань сюръёсыз — бадӟым ошлэн кадь, кудӥз шокаменыз омырез кезьыт каре. Котькуд сӥзьыл та пудо-живот потэ йӧэн кортнам океанысь но сюр будэтыны кутске. Макем кузьгес луозы сюръёсыз, сокем кезьытгес луоз тол.

Бурят, калмык, монгол Сагаан Убугун

Сагаан Убугунлэн аспӧр-тэмлыко бодыез вань, отын суредамын Макара — вуын улӥсь выжыкыл пӧйшур. Бодыез сяна, Тӧдьы Пересьлэн кияз вань чёткиосыз. Сагаан Убугун бадӟым Инмар луэ. Со кема но узыр улон сётэ.

Карел Паккайне

Карелиын туж егит Тол бабайзы — горд йырсиё етӥз воргорон. Зэмзэ ке, Паккайнеез 1999-тӥ арын Олонец карысь библиотекарьёс малпаллям. Та герой кылдытэмын вал туристъёсты Карелие кыскон вылысь. Олонец — купецъёслэн карзы, соин ик Паккайне но купецлэн пиез луэ. Али карел Тол бабай арлы быдэ дораз  ортчытъя Тол бабайёс куспын Олимпийской шудонъёс.

Ямалысь Ямал Ири

Ямал Ириез тодманы луэ пужей кулэсь вурем малицаезъя (дукесэзъя) но кисъёсызъя (пыдкукезъя). Кусказ мамонт лыосын чебермам е. Та бабайлэн вань шыркунэз (бубенэз), соин урод кужымъёсты улля. Лымы ныл интые бабайлы юрттӥське хаски пуны.

 Тува Соок Ирей

Соок Ирей быгатэ котькинлы пӧрмыны — егит пилы, ныллы, пересьлы. Озьы ке но сое котьку тусызъя тодманы луэ. Соок Ирейлэн пыдъёсыз но киосыз йӧлэсь пӧрмемын, синъёсыз — кезьытэсь, нош ымныр тусыз — жадемын. Йырсиез, синкашъёсыз но тушез гӧртэмын. Шунды медаз шунты шуыса, мугорыз ватэмын тӧдьы дӥсен.  Тулыс вуэмен, Соок Ирейлэн мугорыз шуна, нош лулыз нюлэскы улыны кошке.

Мордва Якшамо Атя

Мордва Якшамо Атя улэ Ульяновск ёросысь Кивать черкогуртын. Уго дораз солы юрт пуктӥллямтэ. Якшамо Атялэн Лымы нылэз — Ловонь Стирьне, со, пе, огдырлы туссэ воштэм Вирьаву нюлэснэнэ.

 

Пор Уйшто Кугыза

Историкъёс верало, Уйшто Кугыза 10-тӥ даурын вордӥськем шуыса. Со улэ излэсь лэсьтэм юртын Уйшто Кува кышноеныз, Поран (тӧл) пиеныз но Теле (тол) нылыныз. Пор калык оске, бабайзы задор мылкыдо, шулдыръяськыны, эктыны но кырӟаны яратэ шуыса.

dart

Туспуктэм: bg.ru

Удмурт Дунне
By Удмурт Дунне 27 декабря, 2016 15:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<