Можга ёросысь калыккуспо Выль ар ортчиз

Удмурт Дунне
By Удмурт Дунне 31 декабря, 2016 14:02
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Отчы люкаськизы егитъёс.

Таӵе культурной программаен калыккуспо шулдыръяськон Можга ёросын нырысьсэ ортчиз.

Та ӝытэ чузъяськизы шулдыр кырӟанъёс: удмуртъёссэ быдэстӥзы Ксения Чайникова, Ирина Дмитриева, Сергей Вотяков, ӟучъёссэ но бигеръёссэ — Румия Шакирова, армян кылын кырӟаз Арам Ростомян. Ваньзы соос карысьтымы егит кизилиос.
Праздник шӧм пыртӥзы кыз котыртӥ берганъёс, шудонъёс, кузьымъёс. Калыкез пӧсятӥз Тол бабай, со, эктонъя ӵошатскон ортчытыса, егитъёслы задор мылкыд сётӥз. Нош Лымы нылэз бырйизы асьсэос егитъёс. Тужгес но визьмоез, кырӟасез, эктӥсез луиз Нынекысь Наташа Иванова.

Шулдыръяськонлэн «кортӵогез» вал Горд атаслэн арезлы сӥзьыса дасям горд дэремъёслэсь коллекция. Сое дасязы Алнаш ёросысь егит дизайнер Анастасия Лебедева но мон, Можга ёросысь удмурт дизайнер Надежда Сапожникова.

Таӵе культурной программаен калыккуспо шулдыръяськон Можга ёросын нырысьсэ ортчиз. Шӧдӥськиз, со егитъёслэн сюлмазы кылиз шуыса, таӵе ӝытъёс ӵемгес мед луылозы, дэмлазы.  Иське, Можга ёросысь егитъёсын ужанъя ёзэтлэн тыршемез юнме ӧвӧл. Табере муг но, мылкыд но вань таӵе ужрадъёсты ӵемгес ортчытъяны.

Удмурт Дунне
By Удмурт Дунне 31 декабря, 2016 14:02