Калыко интыосты эскерозы пуныос

Удмурт Дунне
By Удмурт Дунне 30 декабря, 2016 15:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Выль ар шулдыръяськонъёс дыръя шаерысьтымы югдурез чаклалозы 2 сюрслэсь ятыр полицейскойёс.

Выль ар уе элькунамы ортчозы 150-лэсь ятыр бадӟым ужрадъёс. Отчы арысь аре ог 40 сюрс адямиос пыриськыло. Тамындагес ик калык люкаськоз Ымусьтонэ но — 7-тӥ январе потон уе шаерысьтымы ваньмаз сямен черкъёсын ортчозы службаос.

— 30-тӥ декабрьысен 9-тӥ январёзь Югдурез утёнъя министерство тыршоз кык поллы золгес, — ивортӥз Удмуртиысь полицилэн кивалтӥсезлэн воштӥсез Сергей Козлов. — Ужаломы уй но, нунал но. Терактъёсты алон вылысь праздникъёслэсь азьвыл бадӟым ужрад ортчытоно  интыосты учкыса потозы сапёръёс но пуныос.

Шаерысьтымы 594 школаосын но 643 нылпи садъёсын ортчозы ёлкаос. Отчы оглом пыриськоз 159 сюрс пинал. Соос кышкыт учыре медаз шеде шуыса,  шулдыръяськонъёссэс син азязы возёзы быдэ вуымтэосын ужасьёс но участковойёс.   Инспекторъёс нылпиосты сюрес вылын нуон-ваён ласянь 37 эскерон радъязы ини. 48 тырмымтэос шараямын вал. Туннэлы соос ваньмыз тупатэмын.

— Выль ар шулдыръяськонъёс, каникулъёс дыръя тужгес сак чаклаломы курыт вуосын, фейерверкъёсын вуз карисьёсты. Кудӟемъёсты, ӝыт анай-атайзытэк калгись нылпиосты ульчаосысь утчаломы, — вераз С. Козлов.

Ольга Корепанова

Удмурт Дунне
By Удмурт Дунне 30 декабря, 2016 15:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<