Эчешон — со ӧвӧл ожмаськон

Удмурт Дунне
By Удмурт Дунне 31 декабря, 2016 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Россилэн пӧртэм сэрегъёсаз «Модель ООН» ужрад ортчылэ. Элькунмы туэ 7-тӥзэ ни куноосты пумитаз. 6-тӥ-9-тӥ толсуре егитъёс политика удысын тодон-валанъёс басьтӥзы.

— «Модель ООН» ужрадын егитъёс быгато возьматыны но будэтыны политика сярысь тодон-валанъёссэс, дышетскыны калык азьын возьдаськытэк вераськыны, командаен ужаны, — шуиз Удмурт кун университетысь Историяя но социологияя институтысь Елизавета Вассиулина, та ужрадэз радъясьёс пќлысь огез.

Татчы бадӟым классъёсын дышетскисьёс но студентъёс пырисько ке но, туэ соос пӧлын вал куатетӥ классын дышетскись но, арлыдо дышетӥсьёс но. Ижкаре вуизы пӧртэм каръёсысь но кунъёсысь студентъёс. Кылсярысь, удмурт кезьытъёслэсь ӧз кышкалэ Сириысь, Лымшор Кореяысь но Вьетнамысь егитъёс.

Конференция, котырес ӝӧк но пӧртэм визь сынан шудонъёс пыр егитъёс тодӥзы, кызьы ужа ООН. Кенешизы, малы Южно-Китайской зарезь понна пӧртэм кунъёс нюръясько, малы арысь аре инкуазь воштӥське… Вераськон мынӥз англи кылын. Конференциын омыр споръяськонъёслэсь ӟырдаз, эчешон тани-тани жугиськонэ выжоз кадь. Шумпотыса вераны луэ, эчешонъёс буйгазы, егитъёс огъя кыл шедьтӥзы но 4 нунал ӵоже ужамлы резолюция кутыны быгатӥзы. Со келямын Россиысь ООН-лэн ёзаз. Кин тодэ, оло, ӵапак та пумиськон юрттоз дуннеын кылдэм шуг-секытъёсты вормыны.

— Мон котьку тыршисько мар ке но выльзэ, тунсыкозэ но пайдаёзэ оскалтыны, — вера ужрадэ пыриськем студент Егор Зуев. — Таиз ужрад мыным туж юрттӥз кылме волятыны, улон шоры дипломатлэн синмыныз учкыны. Ачим но уг тодӥськы вал, инкуазьлэсь воштӥськемзэ дугдытон понна сомында кулэ малпанъёс йырам бергало шуыса. Мон вуоно журналист, соин но, дыр, ужрад сокем тунсыко потӥз.

«Модель ООН» — азьлане бадӟым вамыш. Ужрад кылдытэмын малпаськись егитъёс понна. Татын соослы луонлык сётӥське ас вылазы шӧдыны, мар со дипломатия, валаны, ма кароно, калыкъёс тупаса мед улозы шуыса.

Мария Емельянова

Туспуктэм: vk.com

 

Удмурт Дунне
By Удмурт Дунне 31 декабря, 2016 11:00
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<