Егит тодосчиослы тунсыко вуж кылъёс но лыдпусъёс

Удмурт Дунне
By Удмурт Дунне 28 декабря, 2016 11:40
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

 Удмурт кылосбуръя, финноугроведениея но журналистикая институт арлы быдэ егит тодосчиос понна «Наукае нырысетӥ вамышъёсы» конференция ортчытъя. Dart газет кылем арняе потаз Кияса ёросысь визь погъёс доры.

grigoreva

Уддяди школаын дышетскись пор нылаш Ульяна Григорьева.

Кияса шор ёзо школае люкаськизы Вуж Салья, Юрмалай, Уддяди школаосысь егит тодосчиос. Тужгес покчиосыз — 8-тӥ классын дышетскисьёс. Таосыз пӧлысь паймытӥз Уддядиысь Алёна Мазитова. Трос аръёс ӵоже ни нылаш эскере гуртысьтыз куалаосты. Азьвыл, пе, тросаз юртъеръёсын вал пичи куалаос, нош гурт пумын — Бадӟым куала. Нылаш, тодмо тодосчиослэсь (Владимир Владыкин, Семён Виноградов но мукет) ужъёссэс лыдӟем сяна, ачиз но гуртысьтызы пересьёслэсь юалляськем. Та бадӟым ужез понна Алёна 2-инты басьтӥз.

Вуж Салья гуртысь Ульяна Охотникова басьтӥськем литература борды — Григорий Верещагинлэн «Зарни чорыг» выжыкыл-поэмаысьтыз вужмем кылъёсты утчам-эскерем. Шедьтэм 15-сэ. Кылсярысь, кутӥськом на меда ми вераськонамы «гырдым» (сумбырес), «ластар» (лусьтро), «сумед» (ишан) кылъёсты? Нылашлэн малпамезъя, та кылъёсын верасько мукет ёросъёсын, тросэз соос пӧлысь диалектъёс луо. Ульяналэн ужез дунъямын 3-тӥ интыен.

lydpusjos

М. Бухлэн эскеремезъя, удмуртъёслэн таӵе лыдпусъёссы вал.

Нош паймытӥз милемыз Уддяди школаын дышетскись пор нылаш Ульяна Григорьева. 5 ар ӵоже ни нылаш эскере вашкала удмурт лыдпусъёсты. Со лыдњем немец тодосчилэсь Максимилиан Бухлэсь, удмурт Семён Виноградовлэсь ужъёссэс. Уддядиын 1860-тӥ арын пуктэм юртлэн коръёсыз вашкала удмурт пусъёсын тодмостэмын. Нылаш шуэ, удмуртъёс, пе, чиньыен лыдъяськизы, чиньыоссэс музъемлы валлин (горизонтально) пуктылыса. Кылсярысь, XIV пус рим культураын «14» лыдпусэз возьматэ, нош удмуртаз — «17»-ез. Удмуртъёс вуз карылӥзы бере, бадӟым лыдпусъёсты но малпано луиз: лыдъяськыны чаляк но капчи кулэ. Нылаш аслэсьтыз лыдпус таблицазэ но кылдытэм, отын 100-лэсь ятыр лыдпусъёс люкамын. Ульяна та ужзэ азьланьтыны малпа, солэн аслаз калыкезлэсь но лыдпусъёссэ эскеремез потэ. Но со понна Марий Элысь архивъёсы, гуртъёсы вуылоно, шуэ. Удмурт лыдпусъёсты пыр-поч сэрттэмез-пертчемез понна Ульяна басьтӥз 1-тӥ инты.

Та но мукет ужъёсъя адӟиськом, егит тодосчиослы тунсыко калыклэн азьвыл вакытысь улонэз: вашкала лыдпусъёс, куалаос, вуж кылъёс. Уго тодмотэмез котьку тунсыко.

Вань та вормисьёс вуоно арын вуозы финалэ Удмурт кун университетэ, вожвылъяськозы мукет ёросъёсысь егит тодосчиосын. Тужгес устоосыз Удмурт кылосбуръя, финноугроведениея но журналистикая институтэ капчиенгес пырыны быгатозы.

 

Удмурт Дунне
By Удмурт Дунне 28 декабря, 2016 11:40 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<