Законэз тӥялод — дорад бертод

Related Articles

• 10-тӥ куарпотонозь Быдӟым ожысь ветеранъёс поездэн дунтэк ветлозы 0 25.Апр
• Мылкыдэз ӝутэ 35 сюрс 0 09.Янв
• «Кебитэ» кулэ гожъяськисьёс 0 18.Дек

Судлэн косэмезъя 14 муртэз Россиысь уллялозы.

Йылпумъяськиз «Нелегальный мигрант» ужрадлэн 4-тӥ люкетэз. МВД-ысь миграция ужпумъёсъя управлениен кивалтӥсь Константин Дубровин солы йылпумъянъёс лэсьтӥз.

Ар куспын чакласа возизы 1 сюрс 541 объектэз, со пӧлысь 688-эз герӟаськемын транспортэн, 310-эз — вуз каронэн, 265-ез — лэсьтӥськонэн. Кунгож сьӧрысь вуэм 616 муртлэсь документъёссэс эскеризы, мигрантъёслэн улон интыосазы нимысьтыз рейдъёс ортчытӥзы. 139 учырын законэз тӥян учыръёс шараямын.

— Судлэн косэмезъя 14 муртэз Россиысь уллялозы, — шуиз Константин Дубровин. — Тросэз соос Узбекистанысь но Таджикистанысь. Талэсь азьвыл гинэ 3 муртэ вордскем палъёсазы келямы ни, матысь дыре эшшо 2 муртэ Узбекистанэ но Украинае ыстоно луоз. Ваньзы соос мигрантъёс азе пуктэм куронъёсыз тӥязы,  кинлэн ке регистрациез йылпумъяськемын вал. 5 муртлы Россие выльысь лыктон сюрес пытсамын.

Туэ ар куспын шаерысьтымы адямиос 70 муртлы пӧечи прописка лэсьтӥзы. Пӧяськыны вырисьёсъя эскерон ортчытӥське.

«Нелегальный мигрант» ужрад дыръя нимысьтыз саклык висъяськиз кунгож сьӧрысь, тужгес но Иракысь, Сириысь, Пакистанысь но Египетысь, вуэм студентъёслэсь улэм-вылэмзэс эскеронлы. Та дыре соос уло Ижысь медициная кун академилэн но техникая кун университетлэн общежитиосазы. Шумпотоно, кунгож сьӧрысь дышетскыны вуэм егитъёс пӧлын законъёсты тӥян учыръёс пусъемын ӧвӧл.

 Валентина ЕМЕЛЬЯНОВА

Туспуктэм басьтэмын вотэсысь