Вожвылъяськизы пинал кылчиос

Удмурт Дунне
By Удмурт Дунне 11 ноября, 2016 14:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
конф4

Удмуртаз вожвылъяськонэ 30 уж вуиз вал.

Нылпиослэсь филология удысын быгатонлыкъёссэс азинтонлы анай кылъёсты утёнлы сӥзем конференция ортчиз Казаньын.  Отчы пыриськизы 9-тӥ-11-тӥ классъёсын дышетскись пиналъёс.

Конференциез радъязы Татарстанысь Дышетонъя но наукая министерство но Ш. Марджани нимо гимназия. Со туэ куинетӥ ползэ ортчиз ини. Татарстанысь, Башкортостанысь, Чувашиысь, Мордовиысь, Удмуртиысь, Ульяновск, Пенза но Челябинск улосъёсысь 600 пала нылпиослэн утчаськон-эскерон ужъёссы вуизы.  Соосын тодматскон вылысь 7 секция ужаз — ӟуч, бигер, башкир, чуваш, удмурт, пор, мордва.

Удмуртаз вожвылъяськонэ 30 уж вуиз вал. Ачим та секциысь дунъясьёслэн тӧрозы вал бере, жаляса верасько, пӧлазы конкурслэн куронъёсызлы тупасьтэмъёсыз но шедизы. Соин ик  конкурс пыр потӥз 16-ез гинэ. Эшшо нылпиослы быгатоно на вал ас ужзэс утьыны-возьматыны — та но куд-огезлы секытгес потӥз. Жюри бырйиз котыр ласянь тужгес устооссэ. Нырысетӥ луиз Алнаш ёросысь Азамат школаысь Снежана Байкова  «Удмурт писательёслэн мукет нимъёссы» уженыз (кивалтӥсез удмурт кылъя дышетӥсь О. В. Рябина), кыкетӥе потӥз Пичи Пурга гимназиысь Роман Иванов «Пичи Пурга ёросысь удмуртъёслэн фамилиоссылэн кылдэмзы сярысь» уженыз (кивалтӥсез удмурт но англи кылъёсъя дышетӥсь А. В. Герасимова), куинетӥ луизы Татарстанысь Кукмор ёросысь Нырья школаысь Евгений Жуков но Сергей Искандиров «Татарстанысь Кукмор ёросысь удмурт интынимъёс» уженызы (кивалтӥсьсы англи но немец кылъёсъя дышетӥсь В. Т. Жуков). Лауреат луиз Ижкарысь 60 номеро школаысь Полина Почегова «Гожтэтысь лякыт чуръёс — сюлэмлы матын кылъёс» уженыз (дышетӥсез Е. Н. Ямщикова).

Та сяна, Шаркан ёросысь Мувыр шор ёзо школаысь  Тимофей Корепанов  (кивалтӥсез удмурт кылъя но литературая дышетӥсь Л. М. Корепанова) «Ӟуч филология» секциын лауреат ним басьтӥз.

Вормисьёс пусъемын дипломъёсын но дуно кузьымъёсын. Соослэн ужъёссы пыртэмын луозы конференцилэн нимысьтыз бичетаз.

Андрей Клементьев

 

 

Удмурт Дунне
By Удмурт Дунне 11 ноября, 2016 14:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<