Удмурт студент вормиз Россиысь олимпиадаын

Удмурт Дунне
By Удмурт Дунне Ноябрь 8, 2016 15:35
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
pakhomova

Марина Пахомова — Алнаш ёросысь Ляли гуртысь гожъяськись, кылбурчи.

Россиысь выжы калыкъёслэн кылъёссылы сӥзем олимпиадае удмурт шаерысьтымы пыриськиз 10 мурт. Студентъёс пӧлын вормисе потӥз Удмурт кылосбуръя, финноугроведениея но журналистикая институтысь 4-тӥ курсын дышетскись Марина Пахомова.

Олимпиада ортчиз Москваын 2-тӥ-4-тӥ шуркынмонэ, солэсь азьвыл котькуд улосвылын ортчиз быръён этап, Удмуртиын со пыр потӥз 10 адями. Россиысь олимпиадае вуизы 17 улосвылъёсысь но элькунъёсысь 138 студентъёс но школаын дышетскисьёс. Жюриез соос асьсэ шаеренызы, калыкенызы тодматӥзы, эссе гожтӥзы.

— Секытгес потӥз, шаермы сярысь презентациез возьматыкум, отын уго чаклазы чебер вераськыны быгатэмез. Дорысь уж вал — кылбурез вольыт лыдӟон. Мон дасяй К. Гердлэсь «Мон кизисько гинэ»  кылбурзэ, — вера Марина Пахомова. — Письменной люкетаз гожтоно вал эссе. Сётэм темаос пӧлысь мон бырйи ӟуч филологлэсь Измаил Срезневскийлэсь верамзэ: «Народ выражает себя в своём языке». Малпанме юнматӥ пӧртэм калыкъёслэн эпосъёссы вылын — уго отысь адӟыны луэ:  котькуд калыклэн дунне шоры учконэз аслаз, кылтӥрлыкез но пӧртэм.

Кызьы вера Марина, анай палась ӵыжы-выжыосты ми, удмуртъёс «ӵуж» шуиськомы. Малы? Мариналэн аслаз малпанэз: ӵуж буёл герӟаськемаын шундыен, ю-нянен.

Марина Пахомова газетмылы но мурт уг луы. Алнаш ёросысь Ляли гуртысь нылаш гожъяське егитъёслэн «Дарт» газетазы, паймоно солэн чебер но узыр кылтӥрлыкезлы. Али но Марина оскытӥз, та олимпиада ласянь мылкыдзэ газетлэн вуоно номераз одно ик кисьтоз шуыса. Со сяна, нылаш мылысь-кыдысь пыриське литературая «Ингож» студиямы, нош кылем арын со поттӥз «Йыртэмпол» кылбур бичетсэ.

udmurtshkolnik

Удмуртиысь олимпиадае пырисьёс.

Олимпиадаын студентъёс пӧлын 2-тӥ, 3-тӥ интыос басьтӥзы Мордовиысь Светлана Надейкина но Ингушетиысь  Шахиризада Тамасханова.

Мария Векшина

Туспуктэмъёсыз М. Пахомовалэн но Н. Демаковалэн

Удмурт Дунне
By Удмурт Дунне Ноябрь 8, 2016 15:35
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<