«Удмурт дунне» ялэ «Гурт адями-2016» ӵошатскон

Удмурт Дунне
By Удмурт Дунне 15 ноября, 2016 09:05
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

gurt-adyami-300x160Гажано лыдӟисьёс! 

2012-тӥ арысен газетмы адӟем карымон гуртоосты данъя. Та вакыт ӵоже таӵе нимен сӥлы каремын эштос кивалтӥсьёс, эмчиос, культураез ӝутӥсьёс, удмуртлыкез утисьёс. Кылем арын сямен ик, туэ но конкурсын куинь номинация луоз:

«Устоез кивалтӥсь» — татчы ӵектыны луоз эштос кузёосты, ужбергатӥсьёсты, кивалтӥсьёсты;

«Выжыоссэ утись» — удмуртлыкез утён но азинтон понна сюлмаськись муртэ;

«Ӟеч сюлэм» — гуртоос понна пайдаё но ӟеч уж лэсьтӥсь, калыклы юрттӥсь.

Ар пумозь адӟем карымон адямиос сярысь туспуктэмен зарисовкаосты келяно газетэ Ижевск, Карл Маркс ульча, 274-тӥ юрт адресъя яке электрон почтае:

udmdunne@yandex.ru, пусъёно, «Гурт адями» конкурсэ шуыса.

Вожвылъяськонэ пыриськись муртъёс гуртын улыны кулэ. Соосты ӵектыны кулэ асьсэос гуртоос. Конкурсэ пыриськыны быгато азьвыл дэмлам муртъёс но, соос вормисе потылэмын ӧвӧл ке. Ӵектэм муртъёсын списокез газетэ печатлам бере кутскоз куара сётон. Кельшымон муртэ быръён понна куара сётыны луоз (3412) 73-33-43, 8-950-951-195-37-66

телефонъёсъя яке адями понна дурбасьтӥсьёслэсь нимъёссэс, фамилиоссэс гожтыса быгатӥськоды келяны электрон почтаямы.

УД

 

Удмурт Дунне
By Удмурт Дунне 15 ноября, 2016 09:05