Тодмо луизы Алнаш ёрослэн Дано муртъёсыз

Удмурт Дунне
By Удмурт Дунне 11 ноября, 2016 09:44
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

udmurta-lnashУдмуртилэн кунлык басьтон нуналэз азьын Алнаш ёросын сӥлы каризы ёросысь пӧртэм удысын азьветлӥсьёсты, тодмо луизы Алнаш ёрослэн Дано муртъёсыз но, туэ соос 3.

 

Алнаш ёрослэн дано адямиосыз луизы философия наукаосъя кандидат, тодосчи, Кузьымгуртын вордӥськем Альберт Разин, Алнаш ёросысь Асангуртысь «Молодая гвардия» колхозлэн кивалтӥсез Михаил Крылов но Удмуртиысь Пудо эмъянъя управленилэн азьвыл кивалтӥсез, Удмурт Республикалэн Правительствоезлэн Алнаш ёросъя кураторез Геннадий Бурдов.

Альберт Разин верамъя, со понна бадӟым дан Алнаш ёрослэн Дано муртэз луыны, уката ик таӵе гажамон адямиос пӧлын.

— Дунне вылын самой бадӟым адями — музъем ужен вырись, сиён-юон поттӥсь. Соин ик Михаил Крылов кадь адямиосты, гурт ужасьёсты данъяны кулэ. Асьмелэн валанмы мыдланьгес. Тани футболистъёсты ик учконо ке, соос — миллионеръёс. Нош Дуннелэн чемпионатэз дыръя Россиысь спортсменъёсмес пичи гинэ Уэльсысь (Великобританилэн оглюкетэз, 20 сюрс квадарт метр музъемзы) футболистъёс вормизы. Озьы но спортсменъёсмес уен-нуналэн телевизор пыр возьмато, данъяло, соос бадӟым уждун басьто. Малы музъем ужасез, скал кыскисез уг данъяло? Скал кыскись 4 часын ӵукна султэ, кыед пӧлын тырше, секыт ужа, уждунэз 10-15 сюрс манет. Соин ик асьмелэсь асваланмес воштоно. Таин валче мон ас калыктэ гажанлы, уждэ дунъянлы, удмуртлыкез ӝутонлы, гурт улонлы сӥзем тросгес пумиськонъёс, конференциос ортчытъяло, тазалыкез эмъюмъёстэк юнматонлы сӥзем кенешонъёс люкало, малы ке шуоно адямилэн тазалыкез ӧвӧл ке, солэн номыр карыны мылкыдыз уг луы, — шуэ Альберт Разин.

razin

Алнаш ёрослэн дано адямиосыз луизы философия наукаосъя кандидат, тодосчи, Кузьымгуртын вордӥськем Альберт Разин, Алнаш ёросысь Асангуртысь «Молодая гвардия» колхозлэн кивалтӥсез Михаил Крылов но Удмуртиысь Пудо эмъянъя управленилэн азьвыл кивалтӥсез, Удмурт Республикалэн Правительствоезлэн Алнаш ёросъя кураторез Геннадий Бурдов.

Альберт Алексеевич верамъя, алнашъёс солы бадӟым кузьым но лэсьтӥзы на, ёросын потӥсь «Алнаш куара» газетлы гожтӥськытӥзы. Табере Алнашысь газетэз лыдӟем сяна тодосчи отчы гожъяськыны но дасяське ини.

Галина Семёнова

Удмурт Дунне
By Удмурт Дунне 11 ноября, 2016 09:44
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<