Сюмси ёросын суредалозы анайёссэс

Удмурт Дунне
By Удмурт Дунне Ноябрь 9, 2016 11:36
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

 Сюмси ёросысь егитъёсын ужанъя центр «Котьку мед луоз анай» конкурс ялӥз.

Шуркынмон толэзьлэн берпуметӥ арнянуналаз Россиын пусъё Анайлэсь нуналзэ. Таин валче Сюмси ёросын улӥсьёс пӧлын ортче суредъёсъя конкурс. Сюмси ёросысь егитъёсын ужанъя «Светлана» центрлэн кивалтӥсез Юлия Шиляева верамъя, ёросын котькуд ар та нуналлы кыӵе ке ужрад дасяло. Миым ортчытӥзы анайёслы ӵошатскон. Даслэсь уно нылкышноос конкурсын асьсэлэсь усто но кибашлы луэмзэс возьматӥзы, нош кузпалъёссы но пиналъёссы соос понна учкисьёс радын висизы.

— Туэ малпамы: анайёс мед шутэтскозы, соин ик радъямы нылпиос понна конкурс. Мемиоссэс, семьяоссэс суреданы быгато покчиос, школьникъёс, озьы ик 18 ареслэсь ортчем егитъёс но. Ужъёсты быдэстоно 26-тӥ шуркынмонозь, ыстоно Сюмсиысь егитъёсын ужанъя «Светлана» центре. Вормисьёс уно луозы, малы ке шуоно пӧртэм аресъем усточиос пыриськозы. Бӧрысь та портретъёсын, суредъёсын усьтомы адӟытон, ёросамы улӥсьёс но анайёс мед адӟозы, макем соосты ярато семьяязы, кыӵе соосын данъясько нылпиоссы, — шуэ Юлия Сергеевна.

Галина Семёнова

 

Удмурт Дунне
By Удмурт Дунне Ноябрь 9, 2016 11:36
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<