Суредасьлэн Александр Ложкинлэн яратонэз — инкуазь

Удмурт Дунне
By Удмурт Дунне Ноябрь 14, 2016 12:42
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
SONY DSC

А. Ложкин 80 арес тырмон нуналаз адӟытонзэ усьтӥз.

Ижысь Суредан искусствоосъя музейын усьтӥськиз Удмуртиысь калык художниклэн Александр Ложкинлэн «Тол но гужем буёлъёс» адӟытонэз.

Удмуртиысь искусство удысысь дано ужась А. Ложкин вордӥськем нуналзэ музейын пусйиз, шуыны луоз. Малы ке шуоно ӵапак 8-тӥ шуркынмонэ, выставка усьтӥськон нуналэ, Александр Егоровичлы тырмиз 80 арес. Адӟытонэ сомында калык люкаськиз, уноез кык залэ ӧз тэре, коридорын сылӥзы, суредъёсты учкыны но юбилярез ӟечкыланы черод витьыса. А. Ложкинлэсь «Йыды бусы», «Гурт выльдӥське», «Шарканын куарусён», «Палэзь» ужъёссэ адӟыса, малпан кылдэ: суредась быдэс улонзэ гуртын ортчытэмын. Зэмзэ ке, со городын вордӥськемын, Ижын ик улэ но ужа.

— Бен, мон городын вордскемын, — шуэ усточи. — Но котькуд гужем анай-атае монэ келяло вал Дэбес ёросысь Чепык гуртэ, бабушъёсы доры. Соин ик удмурт инкуазь, удмурт гурт, удмурт кыл мыным туж матын но дуно. Мон кинэ ке, мае ке адӟисько ке, учкисько со шоры художник синмын. Тросэз монэ живописецез сямен гинэ тодо, но мынам вань портрет ужъёсы но. Кылсярысь, писательлэсь но кылысь кылэ берыктӥсьлэсь Анатолий Демьяновлэсь, удмурт югдытӥсьлэсь Кузебай Гердлэсь портретъёссэс лэсьтӥ, соос но инкуазен артэ суредамын.

Йӧно арлыдыз шоры учкытэк, Александр Ложкин котькуд нунал ужа. Со понна валтӥсь тема — инкуазь.

Адӟытонэ вуизы культура удысын тыршисьёс, суредасьёс. Удмуртиысь калык художник Семён Виноградов верамъя, Александр Ложкинэн соосты борддор гинэ висъя.

— Милям мастерскойёсмы артэ, соин ик трос выль ужъёссэ мон отысен ик адӟисько. Нырысь ик, пусйыны кулэ Александр Егоровичлэсь трос ужамзэ. Со котькуд нунал ӵукнаысен ик мастерскояз ни. Нош трос ужаськод ке, емышез луэ. Мон сое умой художникъёсын артэ пуктӥсько. Пейзажъёсаз умой адӟиське инкуазьлэн поэзиез, — шуэ Семён Николаевич.

Адӟытон кык залын интыяськемын. Одӥгез быдэсак сӥземын удмурт инкуазьлы, мукетыз — Россиысь тунсыко интыослы: Псков, Коломна, Сибирь котырысь чеберлыклы. Художниклэн ужъёсыз утисько Удмуртиысь, Мордовиысь музейёсын, соос вань Москваысь, Парижысь, Лондонысь, Стамбулысь но Римысь чеберлыкез дунъясь адямиослэн коллекциосазы. Александр Егоровичлэн «Тол но гужем буёлъёс» адӟытонэз ужалоз 4-тӥ толсурозь. 0+

Галина Савина

Туспуктӥз Руслан Хисамутдинов

ozero-v-lesu

А. Ложкинлэн пейзажез.

Удмурт Дунне
By Удмурт Дунне Ноябрь 14, 2016 12:42 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<