Шаерамы выжы калыкъёс люкаськозы

Удмурт Дунне
By Удмурт Дунне 16 ноября, 2016 10:31
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

1Ижысь Эшъяськон юртын 25-тӥ-26-тӥ шуркынмонэ ортчоз Россиысь выжы калыкъёслэн форумзы. Таӵе ужрад дорамы нырысьсэ ортче, ивортэ Эшъяськон юртлэн пресс-службаез.

Форуме пыриськемзы сярысь веразы ни бесерман, Сибирь но Уйпалась хант, долган, ненец, эвенк, саам, шор, Алтайысь челкан, Урал гурезь выжыысь нагайбак, Кавказ палась абазин выжыосысь 40 егитъёс. 7 минут куспын 20 сладъем презентация пыр соос тодматозы асьсэ калыксылэн культураеныз но туала улонэныз.

— Выжы калыкъёслы сӥзем форумъёс Россиын ортчыло ик, алигес, кылсярысь, Тюменьын люкаськизы Россиысь уйпалась но шундыӝужан палась выжы калыкъёс. Нош милямез тунсыко соин — дорамы вуозы быдэс Россиысь выжы калыкъёс. Ми тодматом соосты бесерманъёслэн культураенызы, улэм-вылэменызы — уго шаерамы соос ичи лыдъем калык луо, — вера Эшъяськон юртын ужась Ольга Тронина.

Озьы форуме пыриськисьёс вуылозы Юкаменск ёросысь Шамардан гуртэ, кытын зымозы бесерман дуннее. Нош Эшъяськон юртын радъямын луоз бесерманъёслэн улонзылы сӥзем адӟытон.

Форумын егитъёс вераськозы кылэз, культураез утён но азинтон амалъёс сярысь. Кенешозы, кыӵе тунсыко малпанъёсты улонэ пыӵатыны луэ, чаклалозы мукет калыкъёслэсь но та пумысен вормонъёссэс. Форумлэн огез валтӥсь малпанэз — калыкъёс куспын пайдаё герӟетъёс кылдытоно. Оло, огазеяськыса, калык культураез утьыны капчигес луоз.

Мария Векшина

Удмурт Дунне
By Удмурт Дунне 16 ноября, 2016 10:31
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<