Пичи ке но, кужмо

Удмурт Дунне
By Удмурт Дунне 7 ноября, 2016 15:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
Кизнер ёросысь «Новый путь» СПК-ысь скал кыскись Н. Бабаева.

Кизнер ёросысь «Новый путь» СПК-ысь скал кыскись Н. Бабаева.

Кизнер ёросысь Вишурысь Наталья Бабаева  1998-тӥ арысен ялан одӥг интыын, «Новый путь» СПК-ын, тырше.

— Гуртысьтымы 9 классъем школаез йылпумъяса, артысь Вуж Бӧдья школае дышетскыны вамыштӥ вал, — веранзэ мытэ Наталья Бабаева. — Анаймы корка пуктыны кутскиз но, мон солы юрттӥськоно кариськи. Дышетсконме аналтыса, фермае ужаны мынӥ.

16 аресысен Наташа фермае лыктӥз. Анаез Нина Михайловна Морозова но гуртысьтызы ик фермаын трос аръёс ӵоже ужамын. 2 ныл будэтӥз. Семьяязы пиос ќй вал бере, вань ужез пичиысен быдэстыны дышизы. Наташа, бадӟымез, анаезлэн нырысетӥ юрттӥсез луиз.

— Та вакытэ 3 пол фермае ветлӥськомы, — веранзэ азьланьтэ Наталья Алексеевна. — Ужаны кутскон аръёсам 2 пол кыскылӥмы, скалъёсмы но соку ӧжыт вал. Берло аръёсы ужмес трослы капчиятӥзы, йӧл кошке гумыос кузя, ведра-карнан ӝуткано ӧвӧл. Скалъёслэсь лыдзэс кык поллы будэтӥзы ке но, ужмес дыраз быдэстӥськомы.

4-тӥ ноябре Наталья Бабаевалы 35 арес тырме. Фермаын 19 ар ӵоже ужатозяз, бадӟым вормонъёс басьтӥз ни. Кылсярысь, кылем арын котькуд скаллэсь 7 сюрс 935 килограмм йӧл кыскиз. 2014-тӥ но 2016-тӥ аръёсы шаерысьтымы егит скал кыскисьёс пӧлын 1-тӥ но 3-тӥ интыос басьтӥз.

Ӟеч ужам сяна, усто анай но луэ. Кузпалэныз Юрий Николаевичен ӵош 3 пинал будэто. Соос анай-атайзэс но бабушсэс ӟеч отметкаосын шумпотто. Наталья Бабаевалэсь туспуктэмзэ шаермылэн Данъян пул вылаз пыртонлы тужгес шумпотэмын анаез Нина Михайловна.

— Мынам нылы пичи мугоро ке но, туж кужмо. Аслэсьтыз ужзэ котьку ӟеч быдэсъя, данъямзылы шумпотӥсько, — шуэ нылкышно.

Валентина Емельянова

 

Удмурт Дунне
By Удмурт Дунне 7 ноября, 2016 15:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<