Отшопинговачки

Удмурт Дунне
By Удмурт Дунне Ноябрь 8, 2016 16:51
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

Гуртын улӥськом бере, колхозын сяна, кытын ужалод на. Озьы ик мон но. Уборка дыръя быдэс нуналъёсын бертылытэк ужай. Со понна карточкае кӧня ке манет понӥллям. Оло шумпотэменым, оло кӧты урод луэмен, нылпиос шутэтскон нуналъёсы бертӥзы но, нуэ, шуисько, монэ городэ. Ӧвӧл ке, ӧвӧл ик мед луоз ни со уксё. Гуртын скал но, парсь но, бакча сиён но вань. Ум, дыр, кулэ сиытэк. Нош сӥзьыл гольык уд ветлы ук. Куртка но кулэ кадь, пыдкутчан но… Нуэ, шуисько, монэ одӥг магазинэ, кудаз ваньмыз вань. Отӥ-татӥ утчаса ветлоно медаз луы. Кошким.

Вуттӥзы туж бадӟым магазинэ. Эсьмаса, ӧссэ но усьтыны кулэ ӧвӧл — ачиз усьтӥськиз. По-щучьему велению кадь. Маиз гинэ ӧвӧл отын! Вуз карисьёс асьсэос марзэс дэмланы ик уг валало, ява. Кудӥз дӥськут бинемын чилясен, кудӥз воксё но миськыса гужамын ни кадь. Бен, нылы, шуисько, чигем чыртывесьысь марӟанъёссэ вуж курткаям лякылӥ ке, оло, курткае воштӥськон дӥсьлы но яралоз ай? Я, дугды, шуэ, лыктӥмы бере, басьтом ни мар ке но. Дунъёс шоры учкыса ветлӥм но, кызьы Петросян шуэ, оло дунъёс со, оло телефон номеръёс.

Базарын, шуо, кык шузиос вуз каро: огез басьтӥсь, мукетыз — вузаськись. Со выллем милям но пӧрмиз, лэся. Бадӟым чилясь вуз карон центретӥ поръянъямы удмурт нылкышно вузчиез но шедьтӥм. Ог-огмес озьы но, тазьы но лӥятӥм ни, ярам, мар кулэ вал, ваньзэ шедьтӥм.

Туж жадьыса потӥськиз со магазинысь. Поръян сямен кӧт но колтыртыны кутскиз.

— Анай, — шуэ пие, — ми тонэ заморской сиёнэн утялтом ай.

Кыӵе ке но киоск доры дугдыса, пие мыным адӟылымтэ сиён вуттӥз — суй зӧкта но суй кузьда. Шаурма, пе, со. Гуртмы Ижкарлэсь ог 60 иськеме интыяськемын. Со сиёнме, гуртэ вуытозям, йырйи, ява. Капка азе вуэме бере гинэ ымдуръёсме  ӵушалтӥ ай.

Остэ Инмаре, шуисько, гуртэ ик кыӵе шулдыр вылэм: чал-чал, нокин но люр-ляр ветлӥсез ӧвӧл. Ульча пумын гинэ скал бӧксэм куараос кылӥсько. Пудо бертэ ни пастукысь. Скалме кыскыса, гань-гань карисько но выль дӥсьме кузпалэлы возьмато ай. Оло, басьтэм ӵыж-выль дӥсеным солы эшшо мусогес пото.

Натук

 

Удмурт Дунне
By Удмурт Дунне Ноябрь 8, 2016 16:51 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<