Мар юрттоз ӟечгес дышетскыны?

Удмурт Дунне
By Удмурт Дунне 11 ноября, 2016 10:14
tazalyk

Урокъёс вискын лэсьтыны луэ туж огшоры упражнениос.

Ижын йылпумъянъёс лэсьтэмын «Удмуртиысь тазалыкъя дышетӥсь — 2016» элькун вожвылъяськонлы.

Ӵошатсконлэн одӥгез радъясез вал Дышетонэз азинтонъя институт. Институтысь дышетӥсьёслэн быгатонлыкъёссыя центрен кивалтӥсь Елена Стрижова верамъя, туала школа бадӟым саклык висъяны кулэ нылпилэн тазалыкезлы. Котькуд дышетӥсь, огшоры упражнениос лэсьтытыса, быгатэ дышетскисьлэсь тазалыксэ утьыны но юнматыны. Удмуртиысь 10 муниципал кылдытэтъёсысь 24 дышетӥсьёс тодматӥзы, кыӵе ужрадъёс соос быдэсъяло та понна. Нылпиосын ужамзы сярысь веразы биологилы, ОБЖ-лы, крезьгурлы, обществознанилы, физкультуралы дышетӥсьёс, психологъёс.

Дышетӥсьёслэсь ужамзэс дунъясьёс пӧлын вал Сарапулысь 7 номеро школаысь физкультуралы дышетӥсь Елена Шадрина. Кылем арын со та конкурсын вормиз но Удмуртилэсь данзэ Россиысь вожвылъяськонын утиз.

— Урокъёс вискын лэсьтыны луэ туж огшоры упражнениос, — вера Е. Шадрина. — Но соос нылпилы туж пайдаё луо. Кылсярысь, пакетэз пельтон шокан ёзвиосты юнматэ, бумагаез посон чиньыослы массаж выллем луэ но мукет.

Елена Шадрина люкаськемъёсыз тодматӥз аслаз ужан амалъёсыныз но. Со вераз, кызьы чиньыосты посон йырвизьмез шаплыгес ужатэ.

Туэ Удмуртилэсь данзэ Россиысь вожвылъяськонын утёз Ижысь сюдон индустрияя техникумысь ОБЖ-лы дышетӥсь Светлана Терехова. Со студентъёсын валче тазалыкез утён технологиосъя проект дасям.

Ангелина Снигирёва

Удмурт Дунне
By Удмурт Дунне 11 ноября, 2016 10:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<