Корка ӝутом ӧжытгес?

Удмурт Дунне
By Удмурт Дунне 3 ноября, 2016 12:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
094280,строительство,стройка,новостройка

Бадӟым компаниос кайта улон инты пуктонзэс 3 поллы кулэстоно луозы, дыр, нош пичи подрядчикъёс воксё бырон калэ вуэмын.

Шаерысьтымы лэсьтӥськон удысын  секыт югдур кылдэмын. Сое  тупатон вылысь Кун Кенешысь депутатъёс тулыс нимысьтыз программа кутӥзы вал, но со йӧназ уг быдэсъяськы.

Мугъёссэ тодон вылысь кылем понедельнике Кун Кенешлэн президиумаз ӧтемын вал лэсьтӥськонъя, архитектурая но улон инты политикая министр Иван Новиков. Министр лыдъямъя,  асьмелэн ваньмыз умой, но депутатъёс соин соглаш ӧз кариське. Бен, кӧнялы ке кулэстэмын  лэсьтӥськисьёс азьын пунэм тыронъёс, но оглом югдур туж секыт. Бадӟым компаниос кайта  улон инты пуктонзэс 3 поллы кулэстоно луозы, дыр, нош  пичи подрядчикъёс воксё бырон калэ вуэмын. Сыӵе ик югдурын  лэсьтӥськон материалъёс поттӥсь предприятиос, куд-огез соос пӧлысь, кылсярысь, Чурысь кирпич поттон завод юромо, пе, банкрот каремын вал. Озьы асьме предприятиос заказлы паймыса уло, нош  подрядчикъёс  бускель Татарстанэз узырмыто — материал отысь басьто. Та ласянь аслэсьтыз чурыт кылзэ вераны кулэ  Лэсьтӥськонъя, архитектурая но улон инты политикая министерство.

Лэсьтӥськисьёслы но огъя экономикамылы юрттысал  «Егитъёслы улон инты» проект, угось черодзэ возьма  2 сюрс 200 егит семья. Элькун бюджет  солы  укыр трос  коньдонзэ уг быдты — семьялы быдэ тужгес троссэ 200 сюрс манет, со понна егитъёс  рынок дунъёслэсь 15 процентлы дунтэменгес квартира басьтыны быгато. Озьы  огдыре кык кечез кутыны луэ: калыклы но ӟеч карыны, удыслы но юрттыны.

Нош оглом  удысэз тупатыны кулэ 5 миллиард  манет пала. Депутатъёс  та югдурез син азязы возёзы.

Зинаида Кириллова

Туспуктӥз А. Горбунов

 

Удмурт Дунне
By Удмурт Дунне 3 ноября, 2016 12:14 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<