Кинлы сётӥськоз капремонтъя юрттэт?

Удмурт Дунне
By Удмурт Дунне 2 ноября, 2016 14:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

092227,ремонт,дом,жилье— Пенсионеръёслы  капремонт понна компенсация тыриське, пе. Кинлы со чакламын, кытчы ке вазиськыны кулэ-а та юрттэт понна?

М. Волкова, Ижын улӥсь

 Валэкто Капитальной ремонтъя фондын ужасьёс.

 

— Тодады вайытӥськом, 27-тӥ сентябре Кун Кенешысь депутатъёс тупатонъёс пыртӥзы «Удмурт Элькунысь нимаз адямиослы улон-вылонын юрттэт сётон сярысь» законэ. Соя таяз арын 1-тӥ январьысен капремонт понна взносъёс тыремлы компенсация висъяськоз куд-ог пенсионеръёслы.

Капремонт понна взнослэн  ӝыныез (50 процент) берыктӥськоз  огназы улӥсь нокытын ужасьтэм квартира кузёослы, 70 арессы тырмемын ке. Яке та арлыдзэ тырмытэм мурт улэ ке нокытын ужасьтэм пенсионеръёсын (арлыдзы тырмыса) ӵош.

Взнослэн быдэсыз (100 процент) берыктӥськоз огназы улӥсь ужасьтэм квартира кузёослы, 80 арессы тырмемын ке. Яке та арлыдзэ тырмытэм мурт улэ ке нокытын ужасьтэм пенсионеръёсын (арлыдзы тырмыса) ӵош.

Капремонт понна квитанциын тупатэм дунэз быдэсак тырыны кулэ, со берыктӥськоз компенсация чотын. Компенсациез тырон радлык бордын ужа элькунысь Калыкез утён, семья но демография политикая министерство. Министръёслэн кабинетсы матысь дыре соя постановлениез юнматоз.

Таӵе льгота уз сётӥськы 70 арессэс тырмытэмъёслы, озьы ик 1-тӥ но 2-тӥ группаысь инвалидъёслы, соос коммунальной юрттэт понна толэзьлы быдэ сётӥськись компенсация (ЕДК) басьто ни ке — соослы тупатэм 50 процентъем компенсацие капремонт понна дун пыртэмын ини.

80 арессэс тырмытэмъёслы, ЕДК басьтэмзы шоры учкытэк, капремонт понна 50 процент компенсация берыктӥськоз.

Та юрттэт сётӥськоз, квартира кузёослэн капремонтъя нокыӵе пунэм тыронъёссы ӧвӧл ке. Юрттэт басьтон понна вазиськон гожтоно луоз, сотэк компенсация уз сётӥськы.  Удмуртиысь Правительство постановлениен юнматӥз ке компенсация тырон радлыкез, вазиськыны луоз улон интыысь калыкез улон-вылонын утёнъя ёзъёсы.

Туспуктӥз А. Горбунов

Удмурт Дунне
By Удмурт Дунне 2 ноября, 2016 14:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<