Дунне иворъёс: США-ын — 45-тӥ президент, Россиын — пенсионеръёслы юрттэт, Удмуртиын — «Ижысь винтовка»

Удмурт Дунне
By Удмурт Дунне 15 ноября, 2016 13:49
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Дуннеын

Ӟечкыланъёсты кылзэ

Д. Трамп США-лэн 45-тӥ президентэз луиз.

Америкаын тросэз талы дась ӧй вал. Соин ик унояз городъёсын калык ульчаосы потӥз Трамплы пумит луэмзэ вераны. Нью-Йоркын гинэ югдурез утӥсьёс 30-лэсь уно адямиосты ӝегатӥзы. США-ысь аналитикъёс но данакез бырйисьёс ӧз оске вал, Трамп вормоз шуыса. Но  вытъёсты кулэстон, огшоры калыклэсь улонзэ умоятон но выль ужан интыос усьтон сярысь верамъёс сое вылӥ пуконэ вуттӥзы. Президент сямен ини Д. Трамп кунгож сьӧрысь азьветлӥсьёсын кенешиз. Нырысь ик — Турцилэн президентэныз Р. Эрдоганэн. Эрдоган ӟечкылаз сое «шӧдтэк шорысь вормонэныз» но  оскемзэ вераз валче ужан но терроризмен нюръяськон пумысен. Озьы ик Трамп кенешиз ини Канадалэн премьереныз Д. Трюдоен, телефон пыр вераськиз но матысь дыре пумиськыны дасяське Японилэн премьер-министреныз С. Абэен.

Россиын

Юрттон но шыръян

Пенсионеръёслы ватсаса огпол сётӥськоз 5 сюрс манет.

Россиысь Кун Думаысь депутатъёс дурбасьтӥзы законопроектлы, кудӥзъя странаысьтымы пенсионеръёс огпол 5 сюрс манет басьтозы. Та коньдон арлыдоослы сётӥськоз 2017-тӥ арын январь толэзе. Со воштоз арлэн кыкетӥ палаз ортчоно индексациез.

5 сюрс манет басьтозы вань пенсионеръёс: ужасьёсыз но, ужасьтэмъёсыз но, палэнэ уз кыле военной пенсионеръёс но. Та выплата  азьланяз нокызьы но уз шӧдӥськы пенсилэн быдӟалаез вылын. Таӵе амалэн Россиысь Коньдон ужпумъёсъя министерство кык лудкечез кутыны выре. Одӥг ласянь, пенсионеръёслы манетэн юрттэ, мукет ласянь, уксёез шыръя.

Удмуртиын

Куно витён

Биатлонъя «Ижысь винтовка» ӵошатскон А. Демидов нимо спорткомплексын 21-тӥ-25-тӥ декабре ортчоз.

Таяз учыре шаерамы вуозы воргоронъёс но егит пиос гинэ. Со луоз Россиысь биатлонистъёслэн Кубок понна нюръяськонзылэн 3-тӥ люкетэз. Ӵошатсконъёс кутскозы 21-тӥ декабре эстафетаос бордысен. 23-тӥ декабре воргоронъёс 20 иськеме, егит пиос 15 иськеме бызьылозы, 25-тӥ декабре вань спортсменъёс кужымзэс мерталозы 10 иськемъем спринтын.

 

Удмурт Дунне
By Удмурт Дунне 15 ноября, 2016 13:49
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<