Акварель уг чида тупатъямез

Удмурт Дунне
By Удмурт Дунне 8 ноября, 2016 15:17
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
emakov

Художник верамъя, суредаськыны со кутскем 3 арес дыръяз.

Ижысь искусствоосъя музейын ортче Александр Ермаковлэн  «Мон яратӥсько акварелез» адӟытонэз.

А. Ермаков синмаське инкуазь чеберлыклы, яратэ улонэз, гуртэз. Тросаз ужъёсаз усьтӥське нюлэс — сӥзьыл зарнияськем, лымыен шобырскем но мукет. Кыӵе ке дуно чеберлык усьтӥське пӧртэм буёлъёсын быдэстэм «Изгурысь тымет», «Ӵошен поръян», «Пыжъёс», «Ульча, кудӥз ӧвӧл ни» картинаосаз. Учкись пальпотоз, карандашен гожмаса кадь суредам «Анай», «Гуртысь тужгес тузӥ пияш», «Газет лыдӟись» зарисовкаосты  адӟыса.

Художник верамъя, суредаськыны со кутскем 3 арес дыръяз.  Бадӟымъёс уже кошко, пичи пияшез дораз огназэ кельто вылэм, ӝӧк вылэ йӧл пуктыса. Огпол анай-атаез бертӥллям но адӟиллям, кагаз юдэс вылэ со йӧлын бутылкаез пизы туж чебер но оскымон суредам.

— Карандаш мынам киям пичи дырысеным кылзӥське ини, нош акварелен эшъяськыны кутски 13 арес дыръям. Буёл монэ котьку гочатылӥз но пуштросэныз паймытылӥз. Кин ке малпалоз, акварелен суредаськыны туж капчи. Со озьы ӧвӧл. Та буёл уг яраты малпаськытэк но суп-сап ужамез, уг чида тупатъямез. Акварелен чылкыт но ӝог ужаны быгатоно, — шуэ Александр Ермаков.

Галина Семёнова

 

Удмурт Дунне
By Удмурт Дунне 8 ноября, 2016 15:17 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<