Ӵужектэмдэ эн возьма

Удмурт Дунне
By Удмурт Дунне Ноябрь 7, 2016 09:11
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
080790,вода,кран

Висьыны усемъёс пӧлысь 72 процентэз веразы: быректымтэ ву юо.

Ар ӵоже элькунысьтымы 239 муртлы ӵужектон паласькиз, тросэзлы — берло толэзьёс ӵоже.

Висьыны усемъёс пӧлысь 72 процентэз веразы: быректымтэ ву юо.

— Уката трос черламъёс Ижысь Первомай ёросын,  — шуиз тазалыкез утёнъя министр Д. Чуршин. — Отысь частной секторын ву гумыосы ялан тупатъяны выро. Со вискын ик вуэ олома но шеде, вылды.

Ог 17 процентэзлы адямиослы висён паласькем черам муртъёс бордысь. Соин эмъясьёс али нимысьтыз чакласа возё висьыны усем муртъёслэсь матысь адямиоссэс. Пуктылэмын прививкаос. Со сяна, та нуналъёсы гинэ ватсаса 2 сюрс 485 мурты тырмымон вакцина басьтэмын. Со тырмыны кулэ 300 классысь нылпиослы — соослэн эшъёссы пӧлын вань ӵужектонэн черламъёс.

Эмъясьёс ало: висён кутске кынман висёнъёс сямен ик — мугор ӟырда, ныр тыре, кызон пӧсьтэ, сӥльбыгытъёс вӧсь луо. Кузы ӵужектэ ог 30 процентэзлэн гинэ черламъёслэн. Соин ик жуммемез шӧдэм бере ик вазиськоно специалистъёс дӥне.

Эшшо: прививкалэн пайдаез ог 15 арлы тырме. Нош одӥг пол ӵужектылонэн висем муртлы со кыкетӥзэ уг паласькы ни.

Ӵужектонэн висисьёс пусъемын Россиысь мукет улосъёсын но. Артысь Пермь улосын ик, кылсярысь, ялэмын ни карантин.

Элина Кумачёва

Туспуктӥз А. Горбунов

Удмурт Дунне
By Удмурт Дунне Ноябрь 7, 2016 09:11
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<