Юбилейлы — 25 пӧртэм уж

Удмурт Дунне
By Удмурт Дунне 5 октября, 2016 14:30

 

"Удмурт Кенешлэн" выездной заседаниез ортчиз Эгра ёросысь Лудошурын

«Удмурт Кенешлэн» выездной заседаниез ортчиз Эгра ёросысь Лудошурын

«Удмурт Кенеш» огазеяськонлы но Эгра ёрос газетлэн «Вакыт» приложениезлы 25 ар тырме. Таин валче быдэстоно ужъёс сярысь ивортӥз ёросысь удмуртъёслэн азьветлӥсьсы Татьяна Мосова.

— Та лыдпусъёслы сӥ-зьыса, ёросын бадӟым ужрадъёс ортчытыны чакламын, — шуэ Татьяна Ксенофонтовна. — Капчи мылкыд кузьмалоз Лӧпшо Педунь: нылпи садъёсын но школаосын 25 пӧртэм пумиськон радъяны чакламын. Выжыкылысь геройлы юрттӥськоз ёросысь крезьгурчи но кылбурчи Марья кенак.

Калык пӧлын шулдыръяськонъёс радъям сяна, ёросысь пичи яке бырем гуртъёслэсь нуналъёссэс ортчытӥськомы. Кылсярысь, Сэп муниципал кылдытэтэ куке-соку 13 гурт пыре вылэм, нош та дырлы 6-ез гинэ кылемын. Малпамын, 13 альбом басьтыса, вань гуртъёс сярысь тодэ ваёнъёсты отчы гожъяны. Гурт калык та уже мыло-кыдо пыриське. 2 но ӝыны толэзь куспын, коркась корка пыраса, арлыдоослэсь юалляськемын, пӧртэм архивъёсын бугыръяськемын. Та дырлы вань альбомъёс турлы иворъёсын но аспӧртэмлыко туспуктэмъёсын узырмо.

— Альбомъёсы ивор люкакумы, выль малпанмы вордскиз — 7 бырем гуртлэн историезлы сӥзьыса, музей кылдытыны, — шуэ Татьяна Мосова. — Та ужмес Нижний Новгородысь музеен валче быдэстыны кенешимы. Бырем гуртын кин улӥз, кыӵе йылол-сямъёссы вал, кызьы шулдыръяськизы — вань веранъёсты видеоальбоме гожтӥськомы. Таӵе музеез вуоно арын усьтыны чакламын.

Лудошурысь клубын удмурт пӧрамъёслы сӥзем фестиваль ортчытӥзы. Ёрос газет ӵектэмъя школаын дышетскись пиналъёс пӧлын 4-тӥ арзэ радъяське кылбур лыдӟонъя конкурс. Туннэ нуналлы ужрадлэн нырысетӥ люкетэз ортчытэмын ни. Ужрадлы йылпумъян лэсьтэмын луоз ноябрь толэзе. Тужгес устоезлы 25 пиналлы луонлык сётозы Лӧпшо Педунь доры, Сундурысь удмурт культурая центре, куное вуылыны.

Людмила Пантелеева

Туспуктӥз Надежда Данилова

Удмурт Дунне
By Удмурт Дунне 5 октября, 2016 14:30
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<