Выжыкыл дуннее вуылӥзы

Удмурт Дунне
By Удмурт Дунне Октябрь 31, 2016 11:30
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
ВЫЖЫ1

Отчы пыриськизы Ижысь, Можгаысь, Глазовысь но Воткинскысь нылпиос.

Ижысь Эшъяськон юртын ортчиз городъёсысь нылпи садъёсын удмурт кылэз дышетӥсь пиналъёслэн 2-тӥ «Выжы-выжы выжыкыл» фестивальзы.

 

Отчы пыриськизы Ижысь, Можгаысь, Глазовысь но Воткинскысь нылпиос. Куное ӧтемын вал Пичи Пурга черкогуртысь «Италмас» садысь пиналъёс.

Фестивалез усьтӥз «Удмурт нылкышно кенешен» кивалтӥсь Надежда Степанова. Со пусйиз:

— Ми тӥледыз, пиналъёс, устоосыз пӧлысь устооссэ бырйыса, татчы ӧтимы — «Выжы-выжы выжыкыл» конкурсэз йылпумъянэ. Туэ та фестивале шаерысьтымы  вань городъёсысь 40 нылпи садъёсысь пиналъёс пыриськизы. Нимысьтыз пусйыны кулэ Можга карез — фестивальлэн нырысетӥ этапаз 10 нылпи садъёс мылкыд каризы  пыриськыны. Тау соослы!

Ижысь 70-тӥ но Воткаысь 44-тӥ садъёсысь пиналъёс «Атаслэн шудэз» но «Кин кужмо?» пор выжыкылъёсты  возьматӥзы. Нош Можгаысь 17 номеро садысь покчиос украин калыклэсь «Шеп» выжыкылзэ быгатыса шудӥзы. Глазовысь 34-тӥ садысь тэшкылиос «Кион но 7 кечпиос» ӟуч выжыкылэн паймытӥзы. Эшъёссы борды итӥськизы пичи пургаос. Соос возьматӥзы «Пересь Яга но жингрес сӥзьыл» ӟуч выжыкылэз. Туж чебер но быгатыса шудӥзы.

Глазовысь нылпиослэн анай-атайёссы, шумпотэмзэс кутыны быгатытэк, верало:

— Нылпиосмылэсь шудэмзэс но удмурт кылын вераськемзэс учкыса,  мылкыдмы вераны луонтэм љутскемын. Тау кареммы потэ воспитательёсмылы, соос, вань кужымзэс сётыса, удмурт кылэз дышетон бордын ужало. Глазовысь нылпиос таџе ужрадэ нырысьсэ пыриськизы.

Выжыкылъёс вискын нылпиосты шулдыртћзы, пќртэм шудонъёс радъязы но визьзэс сыназы Ӟеч апай но Шуша коркакузё. Шуша залын пукись пиналъёслэсь юа: мар татын кариськоды? Выжыкыл учкиськоды? Мынам но тӥ сямен ик удмурт кылын чебер но вольыт вераськеме потэ. Котьмарлы оскись нылпиос пырак али ик солы юрттыны дасесь. Ми, пе, тонэ дышетом.

Ваньзы ик фестивале пыриськем пиналъёс шаплыесь, визьмоесь, соос удмурт кылын чылкыт вераськыны тыршо. Нош кыџе чебересь дӥсьёссы! Шӧдӥське, нылпи садъёсын ужасьёслэн сюлмаськемзы арысь аре ӟеч емыш сётэ.

Любовь Тихонова

Удмурт Дунне
By Удмурт Дунне Октябрь 31, 2016 11:30 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<