Выль Мӧньяысь «Пукон корка»: Пӧсь табань

Удмурт Дунне
By Удмурт Дунне Октябрь 6, 2016 11:24
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Пичи Пурга ёросысь Выль Мӧньяысь мӧйы калыкен 14-тӥ арзэ кивалтэ ини Юлия Николаевна Ильина.

Пичи Пурга ёросысь Выль Мӧньяысь арлыдоос колхозлы юрттӥсько.

Пичи Пурга ёросысь Выль Мӧньяысь арлыдоос колхозлы юрттӥсько.

Вань милям «Пукон коркамы», отчы люкаськылӥськом арнялы кык пол. Котькыӵе вакыт медло, дор ужмес кельтыса, потӥськомы кенешыны, кырӟаны-вераны. Юля апаймы «Выль ӟардон» самодеятельной ансамблен но кивалтэ.

Трос аръёс ӵоже Эгра ёросын улыса, картэзлэн вордскем гуртаз бертоно кариськизы. Кема улыны ӧз кылды ӵошен, кузпалыз, секыт висьыса, улонысь кошкиз. Тӧлын чигиськем писпу выллем кылиз нылкышно, но кайгулы ӧз сётӥськы, вань сюлмыныз биниськиз мӧнья калык борды.

Туэ гужем Юлия Николаевналы 70 арес тырмиз. Огназ йырын скал вордӥз, али но азбар тыр вордосъёсыз. Корка котырзэ но чылкыт возе, ветеранъёсын но кивалтыны вуттэ. Тулыс кизён дыръя, сӥзьыл ю тысь шертон вакытэ, огазе люкаськыса, колхозлы юрттыны потӥськом. Колхозлы пичи пайда вайиськод ке, кивалтӥсь доры   куронэн вазиськыны каньыл.

Азьло аръёсы вал ай та учыр. Ансамбльлы Ижкаре концертэн мыныны кулэ вал. Машина пумысен Юля апай вазиськем предлы, нош соиз шуэм, машина, пе, ӧвӧл. Ӵуказеяз Юля апай нош ик конторае мынэм, таяз учыре но кылзы тупамтэ. Нунал ортчыса, нош ик вамыштэм лёгем сюрестӥз: йыр висьытозь, пыд, пе, мед висёз. Мар муген пыремзэ председатель соку ик валам но серектэм:

— Осто шуид ке, шайтанлэсь мозмод, нош Юля апайлэсь — уд, сётоно солы машина.

Юлия Николаевналэн ӝуткаменыз, ми Москвае 5 пол, Санкт-Петербурге 3 пол вуылӥмы ни.  Кусып тупатӥмы ни шаерысьтымы пӧртэм коллективъёсын, ог-огмы доры куное ветлӥськомы. Кунгож сьӧрысь вуэм куноос ӵемысь дорамы кожо. Юля апаймы ӝуась гурысьтымы пӧсь табань кадь: ӟырдытэз асьмелы но,  куноослы но тырме.

Наталья Иванова,

Пичи Пурга ёрос, Выль Мӧнья гурт

 

 

Удмурт Дунне
By Удмурт Дунне Октябрь 6, 2016 11:24
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<