Удмуртилэсь кунлык басьтэмзэ данъялозы Москваын

Удмурт Дунне
By Удмурт Дунне 27 октября, 2016 15:03
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93

Москваысь Калыкъёслэн юртазы 29-тӥ коньывуонэ ортчоз Удмуртилэн кунлыкезлы сӥзем ужрад. 

Шаермы кунлык басьтӥз — элькун луиз — 96 ар талэсь азьло. Та бадӟым вормон понна тау шуыны кулэ Иосиф Наговицынлы, Трокай Борисоовлы но мукет югдытӥсьёслы.  Табере Удмурт шаер быгатэ данъяськыны аслаз узыр культураеныз, дано адямиосыныз. Тае ик возьматыны турттозы Москваын ортчоно ужрадын но.

Та нуналэ Москвае вуоз Удмуртилэн Тӧроез Александр Соловьев, со Москваын дышетскись удмурт студентъёсын, аспирантъёсын пумиськоз. Калыкъ\ёслэн юртазы радъяськоз Удмуртиысь суредасьёслэн но туспуктылӥсьёслэн адӟытонзы, аслаз «Мистер Бубыли» киноеныз тодматоз Глазовысь режиссёр Вениамин Тронин, со Россиысь тросаз фестивальёсын вормылэмын. Кылсярысь, алигес ортчем «Арткино» фестивальын «Электричество» киноез понна нимысьтыз приз басьтӥз.

Ужрадэз йылпумъялоз концерт, отчы пыриськозы Удмуртиысь артистъёс — Надежда Уткина, Владимир Катков, Наталья Дзыга, Владимир Ельцов но Олеся Дыдыкай.

Ужрадлэн радлыкез:

12.00-13.00 Куноосты пумитан
12.00-17.30 Туспуктӥёслэн но суредаськисьёслэн адӟытонзы
13.00-13.45 Вениамина Тронинлэсь «Мистер Бубыли» фильмзэ учкон
14.00-14.30 Ужрадэз сӥё-дано усьтон
15.00-16.00 Сӥё-дано концерт
16.30-18.00 Куноослы шудон куа: эктонъя мастер-классъёс, удмурт калык шудонъёс, туспуктылон.

УД

Удмурт Дунне
By Удмурт Дунне 27 октября, 2016 15:03