Тодосчилэн ваньбурез

Удмурт Дунне
By Удмурт Дунне Октябрь 31, 2016 15:14
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
mizkheev

Иван Михеев

19-тӥ-20-тӥ октябре Ижын ортчиз тодмо удмурт азьветлӥсьлы, дышетӥсьлы, учебникъёслэн авторзылы Иван Михеевлы 140 ар тырмонлы сӥзем калыккуспо конференция.

Ужрадэ 300 пала адями люкаськиз, пӧлазы  тодосчиос, дышетӥсьёс, библиотекарьёс, студентъёс, общественной огазеяськонъёслэн ёзчиоссы но трос мукетъёсыз. Доклад лэсьтӥсьёс гинэ 70 пала вал. Вуылӥзы Марий Элысь, Комиысь, Чувашиысь, Татарстанысь, Венгриысь, Финляндиысь, Кореяысь, Австриысь куноос но. Венгрысь тодосчи Жужа Шаланки, конференциез усьтыку, шуиз:

— Туж яратӥсько Удмурт шаере вуылыны, котькуд лыктэмам кыӵе ке но тунсыко ужрад тупа, ӝутӥсько туж кулэ но тунсыко темаос. Озьы татысь котьку выль малпанъёсын, выль мылкыдын кошкисько. Венгриын ми умой тодӥськом Кузебай Герд сярысь, но, жаляса верано, мукет удмурт азьветлӥсьёс сярысь ӧжытгес кылӥське. Соин ик малпасько, та выллем конференциос туж кулэ, тодмо но дано нимъёс медаз вунэ шуыса.

mikheev-konferenc

Надежда Ураськина: бадӟым классъёсын дышетскисьёс, анай-атайёс пӧлын юалляськон ортчытэмын удмурт кыллэн улонын интыез сярысь.

Конференцие люкаськемъёслы азинлык сӥзизы Кун Кенешысь депутат Андрей Ураськин, дышетонъя но наукая министрлэн воштӥсез Зоя Суворова. Ужрадлы шӧм соку ик пыртӥз Дышетон удысысь национальной ужпумъёсты тодон-эскеронъя институтлэн кивалтӥсез Надежда Ураськина. Шуиз: бадӟым классъёсын дышетскисьёс, анай-атайёс пӧлын юалляськон ортчытэмын удмурт кыллэн улонын интыез сярысь. Жаляса верано, пе, юалляськонэ пыриськем 406 семья пӧлысь 107-аз гинэ куспазы удмурт сямен верасько, 98-аз — ӟучо-удмурто, нош 201-аз — ӟуч кылын гинэ. Югдурез лыдэ басьтыса ик, берло дыре уката бадӟым саклык висъяно луэ ни удмурт кылэз кыкетӥ кыл чотын дышетонлы, таӵеос «Ӟеч-а, бур-а, удмурт кыл» учебникъя ужало.

Удмурт кылэз утён, калыкез дышетон ужпумъёс туж сюлмаськытӥзы Иван Михеевез но. Зэм, вазен сое тодамы вайылӥм этнографез сямен гинэ. Но берло аръёсы тодосчиос рос-прос басьтӥськизы солэсь ужъёссэ эскерон борды.

mikheev-konferenc1

Юалляськонэ пыриськем 406 семья пӧлысь 107-аз гинэ куспазы удмурт сямен верасько, 98-аз — ӟучо-удмурто, нош 201-аз — ӟуч кылын гинэ.

Конференцилы тупатыса, Национальной библиотека «Иван Михеев: дышетӥсь, гожъяськись, книга поттӥсь» выставка но радъяз. Отысь уката умой адӟиськиз, мар лэсьтӥз та визьмо, дӥсьтӥсь адями удмурт калык понна. Ужъёсыз пӧлын: «Эн лушка» (1924-тӥ ар), «Удмуртъёслэн революци азьын улэмзы» (1925-тӥ ар) гожъямъёсыз, Евангелиосты но Вуж Сӥзёнысь учыръёсты удмуртэ берыктэмъёсыз, суредъёсыз но аслаз ик. Тросэз ужъёсыз герӟаськемын этнографиен. Озьы ик со радъяз «Удморт кылын календарьёсты» поттонэз. Со сярысь вераз Удмурт кун университетысь Удмурт филологияя, финно-угроведениея но журналистикая институтысь дышетӥсь Елена Петрова.

Элина Кумачёва

Туспуктэмъёс: udmniino.ru

Удмурт Дунне
By Удмурт Дунне Октябрь 31, 2016 15:14
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<