Школа ке вань — улон азьлань

Related Articles

• «Чеберай» улӟоз 0 06.Мар
• Президент Владимир Путин та вакытэ ортчытэ «Меӵак линия» 0 15.Июн
• Тодмо луизы Алнаш ёрослэн Дано муртъёсыз 0 11.Ноя

Али школаос пуктӥсько федерал программая, шаерамы та нырысетӥез сыӵе юрт.

Ижысь «Столичный» микрорайонын азинтӥське школа пуктон. Татын ӝужаны кулэ 825 пиналлы 3 этажъем юрт.

Школа пуктон мытэмын туэ куартолэзе. Лэсьтӥськисьёс али куинетӥ этажлэсь борддоръёссэ ӝуто ни. Стадионэз пиналъёсты пумитаны дась, шуыны луоз. Али школаос пуктӥсько федерал программая, шаерамы та нырысетӥез сыӵе юрт.

— Пуктӥськон чакламъя мынэ. Юртэз дырыз дыръя вуттыны кулэ. Талы оскон вань. Правительство лэсьтӥськонэз син азяз возёз. 2017-тӥ арын 1-тӥ сентябре школа нырысетӥ дышетскисьёссэ пумиталоз, — шуиз Правительстволэн Тӧроез Виктор Савельев, пуктӥськонэз эскерыкуз.

Воткинское шоссе ульча кузя ӝужам выль микрорайонын улӥсьёс туж сак учкыло пуктӥськись школа шоры. Тапалан уго школа ӧвӧл. Нылпиос таин сэрен кыдёкысь школаосы ветло. Нош трос этажъем выль коркаос ӝутско но ӝутско. «Столичный» микрорайонын 25 сюрс адямиос улозы. Со быдэс Кез ёросын мында.

Сергей Захаров

Туспуктиз Эдуард Карипов