Пудоен каньылгес

Удмурт Дунне
By Удмурт Дунне Октябрь 18, 2016 13:15
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Дэри ёросысь Азин нимо хозяйствоысь азьмынӥсь доярка О. Волкова.

Дэри ёросысь Азин нимо хозяйствоысь азьмынӥсь доярка
О. Волкова.

Дэри ёросысь Азин нимо хозяйство ас вакытаз быдэс шаерысьтымы специалистъёсты люканы быгатӥз. Уждун тыро, улон сэрег сёто. Талы луыса Кияса ёросысь Ольга Волкова но хозяйствое вуэмын.

— Кизнер ёросэ бызи вал, но картэ кулӥз, — вера хозяйствоысь азьмынӥсь скал кыскись Ольга Волкова. — Тодмоосылэсь кылӥ: Азин нимо хозяйство бадӟым, уж вань. Но тужгес гочай улон интылы. Оскон сётӥзы, колхозникъёслы юрт висъялозы шуыса. Озьы 2004-тӥ арын, 4 аресъем пиналме кутыса, Дэри ёросэ выжи. Хозяйствоысь зоотехник Валентина Дорофеева шуиз: скал кыскод, огаз группаын ньылетӥез доярка уг тырмы. Солэсь азьло мон нылпи садын сиён пӧзьтӥсьын ужай. Шуныт но чылкыт азьысь кезьыт но кыедо интые сюреме пумысен ӧй куректы. Котькыӵе ужлы дышоно. Пудоен, адямиен сярысь, трослы каньылгес но. Собере, мынам анае пырак дояркаын ужамын, солы пичиысен юрттӥськылӥ бере, скаллэсь кышкан ик ӧй вал. Самой секытэз: йырын ужано. Скалэз кыскыса гинэ, уж уг быры. Чаклано, кытӥыз ке уг висьы-а, учконо мылкыдзэ. Аслэсьтыд скалдэ ачид гинэ валалод уго, тон со котырын нуналлы быдэ бергаськод бере. Соин ик пудолэн тазалыкез ми бордысь но потэ. Мазэ ке ум валаське ке, зоотехниклы я пудо эмъясьлы вазиськиськом.

Хозяйствоын 16 скал кыскись. Вань на таосты шутэтскон нуналъёсазы вошъясьёс. Но Ольга Волковалэн, группаысьтыз эшшо 3 скал кыскисьёслэн сямен ик, нуналзэ воксё кельтэмез уг поты. Группазы берло дыре тужгес трос йӧл кыске уго. Ужало сменаен. Вазь ӵукназэ 5 часын скалъёссы котырын бергало ни, кошко 9 часын ӝыт. Кыско 152 йырез. Уждунзы потэ котькуд кыскем литр бордысь. Соин ик трос йӧл кыскон сярысь сюлмаськыса, асьсэос ик ужаны тыршо. Воштӥсь адями уго вераез пумозяз куддыр уг но бушаты. Таин сэрен мастит но кутске, скал но аслэсьтыз кузёзэ туж тодма.

— Группаенымы турттӥськом передовойын возиськыны. Секыт. Ужатэк азьпал радэ уд поты. Берегес кылисьёсыз вожъясько. Таиз мылкыдэз куашкатэ. Ужатэк уждун сёто кожало, лэся. Шоро-куспо уждунэ 25 сюрс манет люкаське. Премия сёто на, умой тыршиськод ке. Шуо: ми но озьы ик ужаны ветлӥськом ук. Но ветлэмысь гинэ скал йӧлзэ уг сёты.

Ольга Волкова выльысь бызиз. Табере солэн 3 пиналыз. Алигес пиез вузэ пыриз, сое дышетоно. Нылкышнолэн ужаны мылкыдыз бадӟым. Уката ик али киын ужез капчиятыны тыршо, профилакторийын эмъяськыны хозяйство уксё висъя.

Ольга Волкова дораз но пудо вордэ. Умой ужамез понна ошпи сётӥзы. Парсь, курег возе. Пудотэк гуртын мӧзмыт, шуэ.

Елена Сараматова

Удмурт Дунне
By Удмурт Дунне Октябрь 18, 2016 13:15
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<