Помидор интыын… кенэм

Удмурт Дунне
By Удмурт Дунне Октябрь 31, 2016 16:08
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated
3-30-2

Туэ кышкыт будосъёс тужгес трос шедьтэмын Каракулино, Грак, Вотка, Кияса, Пичи Пурга, Ува, Сарапул ёросъёсын.

Йылпумъяськиз «Мак» операция. Кыстӥськиз со июньысен октябрь толэзёзь. Шузимытӥсь сяська будэтӥсьёсын нюръяськизы 1 сюрслэсь ятыр полицейскойёс.

Югдурез утёнъя министерствоысь наркотикъёсты но шузимытӥсь суретъёсты вӧлмытонэн нюръяськонъя управленилэн кивалтӥсез Александр Жевлаков вераз: кылем арен ӵошатыса, туэ законэз тӥян учыръёс данаклы тросгес пусъемын. Но та уг возьматы, шаерамы мак будэтӥсьёс йылӥзы шуыса. Мугез — 2015-тӥ арын «Мак» операция ог 3 толэзь сяна ӧз кыстӥськы.

— Туэ кышкыт будосъёс тужгес трос шедьтэмын Каракулино, Грак, Вотка, Кияса, Пичи Пурга, Ува, Сарапул ёросъёсын. 109 бакча кузёлы косэмын шузимытӥсь турынъёссэс утялтыны.  334 адями вылэ административной протокол гожтэмын. Таос пӧлысь бадӟым люкетэз — нокытын ужасьтэмъёс, кыл кутон улэ трос пол шедьылэмъёс. Йыртэмасьёс 35 арессылэсь ортчемын ӧвӧл. Кылсярысь, Можгаысь воргоронлэн бакчаысьтыз шедьтэмын шузимытӥсь будосъёсын 900 пала куакъёс. Ижысь пиосмурт бакчаяз теплица пуктэм но отын кенэм будэтыны кутскем, — ивортӥз А. Жевлаков.

«Мак» операция арысь аре ортчылэ бере, югдурез утисьёс шӧдӥзы ини: та вакытэ кенэмен, макен кушласькисьёс трослы ӧжыт кылемын. Уноез шедемын синтетической наркотикъёслэн куриказы.

Кышкыт турынъёсты будэтӥсьёс пӧлысь 70-эз наркоманъёс вылӥллям. Соосты суд визьнода: яке 6-7 сюрс тыриськон тупатэ, яке 30 нуналозь пытсэт сьӧры келя. Та сяна, наркоманъёсты учётэ султыто, эмъяло.

Гуртъёсысь юрт котыръёсты эскерем сяна, югдурез утисьёс котырскизы сад-бакчаостӥ. 121 интыысь — 3 гектар музъем вылысь — шедьтӥзы ас кожазы будӥсь усыкмытӥсь турынъёсты. 16 интыын соосты юромо мерттӥллям.

Ольга Корепанова

Удмурт Дунне
By Удмурт Дунне Октябрь 31, 2016 16:08 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<