Министерстволэн ужезлы «2» пуктыны луысал

Удмурт Дунне
By Удмурт Дунне Октябрь 31, 2016 11:00
Warning: A non-numeric value encountered in /home/users/u/udmdunne/domains/udmdunne.ru/wp-content/themes/allegro-theme/functions/other.php on line 93
Updated

стройкаКун Кенешлэн Тӧроез Владимир Невоструев вераз: Лэсьтӥськонъя, архитектурая но улон инты политикая министерстволэн ужамезлы «2» пуктыны луысал. Но дунъет сётыны быгатэ Удмуртилэн Тӧроез гинэ.

Лэсьтӥськон удысын секыт югдурез тупатон вылысь Кун Кенешысь депутатъёс нимысьтыз программа  юнматӥзы вал. Но со тыро-пыдо уг быдэсъяськы. В. Невоструев лыдъямъя, та потэ министерство бордысь но. Кылсярысь, асьмелэн лэсьтӥськон материалъёс поттӥсь предприятиосмы заказъёстэк сыло. Нош лэсьтӥськон организациос кирпич но мукетсэ но, басьто палэнысь.

— Бен, туэ Эгралан куасэн бызьылонъя база, Сарапулын выль стадион усьтӥськизы, Ижын вуттэмын дышетӥсьёслы 3-тӥез корка. Но вунэтоно ӧвӧл: вуоно арын  ватсаса 5 сюрс 600 школьникъёслы дышетскон интыос усьтоно — 2020-тӥ арозь вань нылпиос 1-тӥ сменаен дышетскыны кулэ ни. Югдур ӧз воштӥськы ке, та ужпумез быдэстыны капчи уз луы.

Туннэ пичиосыз лэсьтӥськон компаниос сыло, бадӟымъёсыз но тани-тани огинтыязы лёгаськыны кутскозы. Кун Кенешлэн 25-тӥ сессияз пусъемын вал: элькунысьтымы одӥгез бадӟмез лэсьтӥськон компания — Россиысь Спецстройлэн 8-тӥ управлениез — элькун бюджетэ налогъёс пыртэмъя 3-тӥ интыын вал, али 10-эз пӧлы но уг шедьы ни.

Элина Кумачёва

Туспуктӥз А. Горбунов

Удмурт Дунне
By Удмурт Дунне Октябрь 31, 2016 11:00 Updated
Write a comment

No Comments

No Comments Yet!

Let me tell You a sad story ! There are no comments yet, but You can be first one to comment this article.

Write a comment
View comments

Write a comment


Warning: Illegal string offset 'rules' in /home/users/u/udmdunne/domains/udmdunne.ru/wp-content/themes/allegro-theme/functions/filters.php on line 188
<